မြန်မာနိုင်ငံဆိုင်ရာ တရုတ်သံအမတ်ကြီး Mr. Hong Liang ဟာ ချင်းပြည်နယ်လမ်းပန်းဆက်သွယ်ရေးနဲ့ စီးပွားရေးကဏ္ဍမှာအကူအညီပေးဖို့ ဒီနေ့ညနေ(၆)နာရီ ချင်းပြည်နယ်အစိုးရအဖွဲ့တွေနဲ့ဆွေးနွေးမှာဖြစ်ပါတယ်။
တရုတ်သံအမတ်ဦးဆောင်တဲ့အဖွဲ့ဟာ ဒီမနက်မှာ ကလေးမြို့ကနေ မော်တော်ယာဉ်နဲ့ဟားခါးဘက်သို့တက်လာပြီး ကားလမ်းဘေးက ထေးဇန်ကော်ဖီခြံကိုလည်း (၁၅)မိနစ်ခန့်ဝင်ရောက်ကြည့်ရှုသွားပါတယ်။
ချင်းပြည်နယ် စည်ပင်၊လျှပ်စစ်နဲ့စက်မှုဝန်ကြီး ဦးစိုးထက်က “တရုတ်သံအမတ်ကြီးလာရတဲ့အကြောင်းရင်းက လမ်းပန်းဆက်သွယ်ရေးနဲ့ စီးပွားရေးကဏ္ဍမှာ အကူအညီပေးဖို့ ချင်းပြည်နယ်အစိုးရနဲ့ဆွေးနွေးဖို့ဖြစ်ပါတယ်။ မနက်ဖြန်လည်း ထန်တလန်ဘက်ကိုသွားမယ်လို့သိရတယ်”လို့ပြောပါတယ်။
