အောက်တိုဘာ ၁၀၊၂၀၂၅
Zalen
ချင်းပြည်နယ် ၊ မတူပီမြို့ ပေါ်ကို အကြမ်းဖက်စစ်ကောင်စီတပ်က ဒီကနေ့ အောက်တိုဘာ ၁၀ ရက် ၊ ည ၈ နာရီ၀န်းကျင်မှာ လေကြောင်းကနေဗုံးကြဲတိုက်ခိုက်ခဲ့တယ်လို့ ဒေသခံတွေထံက သတင်းရရှိပါတယ်။
အဆိုပါလေကြောင်းတိုက်ခိုက်မှုမှာ စစ်ကောင်စီက ဂျက်ဖိုက်တာနဲ့ မတူပီမြို့ပေါ် အ.ထ.က (၁) ကျောင်းပတ်၀န်းကျင်ကိုပစ်ခတ်ခဲ့တာလို့ ဆိုပါတယ်။
အဲဒါနဲ့ပတ်သက်လိုဒေသခံတစ်ဦးက “အ.ထ.က (၁) ကျောင်းရဲ့အပေါ်နားကိုပစ်တာ။အဲဒီမှာမီးသတ်ရုံးရှိတယ်။ ထိခိုက်မှုတော့ မသိရသေးဘူး” လို့ Zalen ကိုပြောပါတယ်။
ချင်းပြည်နယ် တောင်ပိုင်း အတွင်းရှိ မြို့နယ် ၄ ခုမှာ စစ်ကောင်စီက ရွေးကောင်ပွဲကျင်းပတော့မှာ မဟုတ်ကြောင်း ထုတ်ပြန်ပြီးနောက် လေကြောင်းကနေ ဆက်တိုက် တိုက်ခိုက်လာတာပဲပါတယ်။
မတူပီမြို့ကိုတော့ ချင်းညီနောင် နဲ့ မဟာ မိတ် တပ် ဖွဲ့များက ပြီးခဲ့တဲ့ ၂၀၂၄ ခုနှစ် ၊ ဇွန်လ ၂၉ ရက်နေ့မှာ မြို့ကိုပြန်လည်သိမ်းပိုက်ခဲ့တာဖြစ်ပါတယ်။
သတင်း – ဘုံတလာသား
