လောင်တလိုင်ခရိုင်ရဲတပ်ဖွဲ့က ဒရုန်း အသုံးပြုပြီး ရှာဖွေရာ ဘိန်းစိုက်ပျိုးသူနှစ်ဦးဖမ်းဆီးခံရ

ဖေဖော်ဝါရီ ၂၈ ၊ ၂၀၂၆

Zalen

Zalen ad

မီဇိုရမ်ပြည်နယ်၊ လောင်တလိုင်ခရိုင်အတွင်း ဘိန်းစိုက်ပျိုးသူနှစ်ဦးကို ရဲတပ်ဖွဲ့ကဖမ်းဆီးလိုက်ကြောင်း ဒေသတွင်း သတင်းများက ဒီကနေ့ဖော်ပြထားပါတယ်။

လောင်တလိုင်ခရိုင်ရဲတပ်ဖွဲ့က ခရိုင်အတွင်း ဘိန်းစိုက်ခင်းရှိကြောင်း တိုင်ကြားချက်လက်ခံရရှိပြီးနောက် ဒရုန်း အသုံးပြုပြီး ရှာဖွေမှုများပြုလုပ်ခဲ့ရာ အဆိုပါဘိန်းစိုက်ခင်းကို လောင်တလိုင်ခရိုင်၊ ရူလ်းကွာလ်း ( Rulkual ) ကျေးရွာ၊ ဘူဖာလ်ချောင်း အနီးတစ်နေရာမှာရှာတွေ့ထားတယ်လို့သိရပါတယ်။

အဆိုပါ ဘိန်းစိုက်ခင်းနေရာကိုတာဝန်ရှိသူများသွားရောက်ကွင်းဆင်း စစ်ဆေးခဲ့ပြီး ဘိန်းစိုက်ခင်းဟာ စတုရန်းပေ ၅၀ ဝန်းကျင်ရှိတယ်လို့သိရပါတယ်။

ယင်းဘိန်းစိုက်ခင်း နဲ့ပတ်သက်သူ အသက် ၄၈ နှစ်အရွယ် လာလ်ဇို ( Lalzo ) နဲ့ အသက် ၅၀ အရွယ် အောင်လိန်း ( Aung Ling ) တို့ကိုဖမ်းဆီးထားပြီး သူတို့နှစ်ဦးဟာ လောင်တလိုင်ခရိုင် အရှေ့ Saizawh ကျေးရွာမှာ နေထိုင်သူများဖြစ်ကြတယ်လို့သိရပါတယ်။

ဖမ်းဆီးခံရသူနှစ်ဦးကို လူဝင်မှုကြီးကြပ်ရေး၊ နိုင်ငံခြားသားများအက်ဥပဒေ အပြင် မူးယစ်ဆေးနဲ့စိတ်ကိုပြောင်း လဲစေနိုင်သောဆေးဝါးများအက်ဥပဒေ ( ND&PS) တို့ဖြင့် တရားစွဲဆိုထားတယ်လို့သိရပါတယ်။

သတင်း – Mickey

ဓာတ်ပုံ-လူမှုကွန်ယက်

#မီဇိုရမ်ပြည်နယ်#လောင်တလိုင်ခရိုင်#ဘိန်းစိုက်ပျိုးသူ#ဒရုန်း #Zalen

နောက်ဆုံးရသတင်းများ

သံလွင်နဲ့ မိုလိုမြစ်ဝှမ်းတလျှောက် အာဆင်းနစ်အန္တာရာယ် ကျရောက်နေပြီး ရေနဲ့ ငါးတွေကို လုံးဝ မစားသုံးဖို့ သတိပေး

ဖေဖော်ဝါရီ ၂၈၊ ၂၀၂၆ Zalen ကရင်နီ(ကယား) ပြည်နယ်အတွင်း စီးဆင်းနေတဲ့ သံလွင်မြစ်နဲ့ မိုလိုချောင်းတလျောက် အာဆင်းနစ်အန္တာရာယ် ကျရောက်နေပြီး ရေနဲ့ ငါးတွေကို လုံးဝ မစားသုံးဖို့ ကရင်နီပြည် ကြားကာလအုပ်ချုပ်ရေးကောင်စီ (IEC) ထုတ်ပြန်လိုက်ပါတယ်။ သံလွင်မြစ်နဲ့ ...

ဆက်ဖတ်ရန်