CDF-Hakha တိုက်ခိုက်မှုကြောင့် စစ်ကောင်စီခန့် ချင်းပြည်နယ် လူမှုရေးဝန်ကြီး ပြင်းထန်ဒဏ်ရာရ

၁၄၊ ဧပြီ၊၂၀၂၄

Zalen

ချင်းပြည်နယ်၊ ဟားခါးမြို့နယ် အခြေစိုက် Chinland Defense Forece – Hakha ရဲ့ ပစ်ခတ်တိုက်ခိုက်မှု ကြောင့် စစ်ကောင်စီခန့် လူမှုရေးဝန်ကြီး အပြင်းအထန်ဒဏ်ရာရရှိခဲ့တယ်လို့ CDF-Hakha ကဧပြီ ၁၃ ရက်မှာ ထုတ်ပြန်ပါတယ်။

စစ်ကောင်စီခန့် စီးပွါးရေးဝန်ကြီး နဲ့ လူမှုရေးဝန်ကြီးတို့ ရုံးတက်ရာလမ်းမှာ လုံခြုံရေးချထားတဲ့ စစ်ကောင်စီတပ်ဖွဲ့ဝင်များ၊ရဲများနဲ့ ဝန်ကြီးများစီးလာတဲ့ကားကို CDF-Hakha က ဧပြီလ ၁၂ ရက် မနက် ၉ နာရီ ခွဲဝန်းကျင်မှာတိုက်ခိုက်ခဲ့တာ လို့ဆိုပါတယ်။

အဲဒီတိုက်ခိုက်မှုအတွင်း လူမှုရေးဝန်ကြီးဟာ ဒဏ်ရာအပြင်းအထန်ရရှိခဲ့တာကြောင့် ဟားခါးမြို့ ပြည်သူ့ဆေးရုံ ကြီးမှာ ဆေးကုသမှုခံယူနေကာ စစ်ကောင်စီတပ်ဖွဲ့ဝင်များက လုံခြုံရေးတင်းကြပ်ထားတယ်လို့သိရပါတယ်။

ဧပြီ ၁၂ ရက်နေ့ တိုက်ခိုက်မှုအတွင်း လူမှုရေး ဝန်ကြီး၊စီးပွါးရေးဝန်ကြီး၊ လူမှုရေးဝန်ကြီးကတော်၊လူမှုရေးဝန်ကြီး ယာဉ်မောင်း တို့အပါအဝင် စစ်ကောင်စီတပ်သားနဲ့ ရဲများလည်းဒဏ်ရာရရှိခဲ့တယ်လို့ဆိုပါတယ်။

ပြည်သူလူထုထံကနေ မတရားအာဏာသိမ်းပြီး ချင်းလူမျိုးများကို ကျွန်အဖြစ်အသက်သွင်းရန်ကြိုးပမ်းနေတဲ့ စစ်ကောင်စီနဲ့ ၎င်းတို့အပေါင်းအပါတို့ရဲ့ အုပ်ချုပ်ရေးယန္တရားများ ရပ်တန့်ကာ အမျိုးသားလွတ်မြောက်ရေး ရရှိ တဲ့အထိ စည်းလုံးစွာ လက်တွဲလုပ်ဆောင်ကြဖို့ချင်းလူမျိုးများအားလုံး CDF-Hakha က တိုက်တွန်းထားပါ တယ်။

သတင်း – Grace

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်