စံချိန်တင် ကာကွယ်ရေးဘတ်ဂျက်သုံးမည့် ဂျပန်နိုင်ငံ

ဂျပန်နိုင်ငံဟာ လာမယ့် ၅ နှစ်တွင် အသုံးပြုမည့် ကာကွယ်ရေးဘတ်ဂျက်ကို ဒီကနေ့ သောကြာနေ့တွင် ထုတ်ပြန်ခဲ့ပြီး ကန်ဒေါ်လာ ၈၆၃ ဘီလီယံနဲ့ ညီမျှသော ယန်းငွေ ၁၁၄.၄ ထရီလီယံကို လာမယ့် ဧပြီလကစပြီး ၅ နှစ်အတွင်း အသုံးပြုမည်ဖြစ်ပါတယ်။

ဂျပန်နိုင်ငံဟာ အသက်ကြီးလာသော နိုင်ငံ၏ လူဦးရေအပြင် လူမှုဖူလုံရေးအသုံးစရိတ်မြင့်တက်လာမှုအကြား ကြွေးမြီပိုများစေမယ့် ကာကွယ်ရေးအသုံးစရိတ်ကို မြှင့်တင်လိုက်တာဖြစ်ပါတယ်။

ဝန်ကြီးချုပ်ဖူမီယိုထောက်ခံသော ဘတ်ဂျတ်အဆိုပြုမှုဟာ စံချိန်တင် စစ်တပ်အသုံးစရိတ်ဖြစ်ပြီး ဒေသအတွင်း တရုတ်နှင့် မြောက်ကိုရီးယားတို့၏ စိန်ခေါ်မှုများအကြား ဂျပန်နိုင်ငံဟာ ကာကွယ်ရေးအသုံးစရိတ် တိုးမြှင့်လိုက်တာပဲဖြစ်ပါတယ်။

ခုလို ဝန်ကြီးချုပ်၏ ကာကွယ်ရေးအသုံးစရိတ် နှစ်ဆ တိုးမြှင့်လိုက်ခြင်းဟာ တိုင်းပြည်၏ ဂျီဒီပီ ၂ ရာခိုင်နှုန်းကို ကိုယ်စားပြုသော ပမာဏဖြစ်ပြီး လာမယ့် ၂၀၂၇ တွင် နောက်ထပ် ၆.၈ ထရီလီယံ ယန်း တိုးလာရန်ရှိပြီး ဂျပန်နိုင်ငံဟာ နိုင်ငံ၏ ဂျီဒီပီထက် ကြွေးမြီ ၂.၅ ဆ တင်ရှိနေသော နိုင်ငံလည်းဖြစ်ပါတယ်။

ဂျပန်နိုင်ငံဟာ ၂၀၂၃ တွင် ကာကွယ်ရေးအသုံးစရိတ်အဖြစ် ယန်း ၆.၈ ထရီလီယံ အသုံပြုမည်ဖြစ်ပြီး ဒီနှစ်ထက် ၁.၄ ထရီလီယံ ယန်း တိုးလာတာဖြစ်ပါတယ်။ ဒီလို ကာကွယ်ရေးအသုံးစရိတ်တိုးမြှင့်လိုက်ခြင်းကြောင့် ဂျပန်၏ ကြီးမားသော ကြွေးမြီဆပ်ရေး စိန်ခေါ်မှု ပိုကြီးမားလာစေမည်ဖြစ်ပါတယ်။

ခုလို ဂျပန်၏ ကာကွယ်ရေးဘတ်ဂျက်တိုးမြှင့်ခြင်းကို တရုတ်နိုင်ငံကတော့ အပြင်းအထန်ကန့်ကွက်နေပါတယ်။

နောက်ဆုံးရသတင်းများ