၂၃၊ ဇွန်လ၊ ၂၀၂၅
Zalen
မလေးရှားနိုင်ငံ၊ Jalan Lokeyew မှာ ချင်းအမျိုးသားတစ်ဦး မနေ့ ဇွန်လ ၂၂ ရက်နေ့မှာ ကားတိုက်ခံရလို့သေဆုံးခဲ့ ပါတယ်။
အခုလိုကားတိုက်ခံရတဲ့သူဟာ စစ်ကိုင်းတိုင်း၊ကလေးမြို့နယ်၊ ကြာအင်းကျေးရွာသားဖြစ်ပြီး မလေးရှား မလေးရှားဆဲန်ထန်ခရစ်ယာန်အသင်းတော် ( Senthang Christian Church Malaysia – SCCM အသင်းဝင်ဖြစ်တယ်လို့သိရပါတယ်။
သေဆုံးသူဟာ ဦးပါထောင်း ( Pu Pa Thawng ) နဲ့ ဒေါ်ရှန်နှဲမ် ( Pi Siang Hnem ) တို့ရဲ့သား ဦးဟရဲမ်ကျုံး ( Pu Hrem Cung ) ဖြစ်ပါတယ်။
ဦးဟရဲမ်ကျုံး ( Pu Hrem Cung ) က ရွာမှာအမျိုးသမီးနဲ့ ကလေးနှစ်ဦးကိုချန်ထားခဲ့ကာ ကျန်ရစ်တဲ့မိသားစု နဲ့ ကလေးများကို ဘုရားသခင်နှစ်သိမ့်ပါစေကြောင်း Senthang Christian Church Malaysia – SCCM က ဆုမွန် ကောင်းတောင်းပေးလိုက်ပါတယ်။
ဦးဟရဲမ်ကျုံး ( Pu Hrem Cung ) ရဲ့ ရက်လည်အစီအစဉ်ကို ဇွန်လ ၂၃ ရက်၊ ဒီည ၈ နာရီကနေ ၁၀ နာရီ အတွင်း Senthang Christian Church Malaysia – SCCM ဘုရားကျောင်းမှာ ပြုလုပ်သွားမှာဖြစ်ပြီးတော့ အလောင်း သဂြိုလ်မယ့်အစီအစဉ်ကိုတော့ပြန်လည်အသိပေးသွားမယ်လို့ SCCM က အသိပေးထားပါတယ်။
သတင်း – Mickey
ပုံအညွှန်း – ကားတိုက်ခံရလို့သေဆုံးသွားတဲ့ ဦးဟရဲမ်ကျုံး
ဓါတ်ပုံ – လူမှုကွန်ယက်
