မတ် ၆၊ ၂၀၂၆
Zalen
ချင်းပြည်နယ်၊ တီးတိန်မြို့နဲ့ ဟားခါးမြို့တွေမှာ
စက်သုံးဆီတွေကို ပုံးတွေနဲ့ ၀ယ်ယူခွင့်မပေးတော့ပဲ ဆိုင်ကယ်နဲ့ ကားတွေ ထည့်ဖို့သာ ရောင်းချပေးနေတယ်လို့ သိရပါတယ်။
လက်ရှိမှာ ဓာတ်ဆီဈေးနှုန်း မြင့်တက်တာမျိုးမရှိပဲ ပုံမှန်ရောင်းဈေး တစ်ဂါလံကို ၂၆,၀၀၀ ကျပ် ဈေးရှိနေပြီး မတက်သေးဘူးလို့ ဒေသခံတွေက ပြောပါတယ်။
” ၀ယ်စုသူတွေကို မရောင်းတာပေါ့နော်၊ ဈေးကတော့ မတက်သေးဘူး၊ ပုံမှန်ပဲ။ ဆိုင်ကယ်တွေ၊ ကားတွေထဲပဲ ထည့်ပေးတယ်။ လောလောဆယ်တော့ ဆိုင်တွေက ဆီလက်ကျန်ရှိသလောက် ရောင်းပေးမယ်လို့ ပြောတယ်။ ” လို့ တီးတိန်မြို့ခံတဦးက ပြောပါတယ်။
မတ်လ ၄ ရက်နေ့မှာ ဟားခါးမြို့ကို မန္တလေးဘက်က ဆီကား တစ်စီး၀င်လာတာကြောင့် လက်ရှိမှာ ဆီရှိနေသေးတယ်လို့ ဒေသခံတွေက ဆိုပါတယ်။
ဒါကြောင့် ဟားခါးနဲ့ တီးတိန်မှာတော့ စက်သုံးဆီ အပို ၀ယ်မရတာကလွဲရင် ဓာတ်ဆီ၀ယ်ယူဖို့ တန်းစီနေစရာမလိုသေးဘူးလို့ သိရပါတယ်။
စစ်ကောင်စီက အီရန် စစ်ရေးအခြေအနေတွေကြောင့် စက်သုံးဆီချွေတာရေး သတိပေးထားပြီးမတ်လ ၇ ရက်နေ့ကစပြီး EV ယာဉ်မှအပ ကား၊ ဆိုင်ကယ် ကိုယ်ပိုင်ယာဉ်အားလုံး တစ်ရက်မောင်း၊တစ်ရက်နားစနစ် ကျင့်သုံးရမယ်လို့ ထုတ်ပြန်ထားပါတယ်။
လက်ရှိမှာတော့ မြို့ကြီးတွေအပါအ၀င် မြို့တော်တော်များများမှာ ဆီဝယ်ဖို့ တန်းစီရတာ၊ ဆီဆိုင်ပိတ်တာ၊ ကန့်သတ်ရောင်းချတာတွေ ဖြစ်ပေါ်နေပါတယ်။
Mary
