မတ် ၁၃၊၂၀၂၆
Zalen
အီရတ်နိုင်ငံမှာ အမေရိကန် ဆီဖြည့်လေယာဉ် KC-135 တစင်း ပျက်ကျခဲ့တယ်လို့ အမေရိကန် ဗဟိုစစ်ဌာနချုပ်(USCENTCOM) က ထုတ်ပြန်လိုက်ပါတယ်။
အဆိုပါ ဆီဖြည့်လေယာဉ်က မနေ့က မတ်လ ၁၂ ရက်နေ့က အီရတ်နိုင်ငံအနောက်ပိုင်းမှာ ပျက်ကျသွားခဲ့ပြီး နောက်ထပ်လေယာဉ် တစင်းကတော့ ဘေးကင်းစွာ ဆင်းသက်နိုင်ခဲ့တယ်လို့ဆိုပါတယ်။
အဆိုပါ ဖြစ်စဉ်က “Operation Epic Fury” စစ်ဆင်ရေးကာလအတွင်း မဟာမိတ်လေပိုင်နက်အတွင်းမှာ ဖြစ်ပွားခဲ့တာဖြစ်ပြီး၊ ကယ်ဆယ်ရေးလုပ်ငန်း တွေဆက်လက်လုပ်ဆောင်နေဆဲဖြစ်တယ်လို့ အသိပေးပါတယ်။
ဒီ KC-135 ပျက်ကျတာဟာ ရန်သူ့ပစ်ခတ်မှုကြောင့်လည်းမဟုတ်သလို မဟာမိတ်တပ်ဖွဲ့များက မှားယွင်းပစ်ခတ်တာမျိုးလည်း မဟုတ်ဘူးလို့ ဖော်ပြထားပါတယ်။
ပြီးခဲ့တဲ့ ဖေဖော်ဝါရီလ ၂၈ ကစပြီး အီရန် ၊အစ္စရေး ၊အမေရိကန် တို့ တိုက်ပွဲစတင်ပြီးနောက် အမေရိကန်ရဲ့ လေယာဉ် ပျက်စီးမှု စတုတ္ထမြောက်လည်း ဖြစ်ပါတယ်။
သတင်း – ညီစေ
#နိုင်ငံတကာသတင်း#အမေရီကန်#ဆီဖြည့်#လေယာဉ်#Zalen
