ကလေးမြို့နယ် မြစ်သာမြစ်အရှေ့ဘက်ကမ်းကျေးရွာများသို့ စစ်ကောင်စီအဖွဲ့ စစ်သားနဲ့ ရဲတွေက ဧပြီလ (၂၉)ရက်တွင်သွားရောက်ပြီး တောင်သူတွေရဲ့ လယ်ယာသုံးပစ္စည်းတွေ ဖျက်ဆီးကာ၊ ကြက်နဲ့ ပိုက်ဆံအနည်းငယ်လုယူသွားတယ်လို့ ဒေသခံတွေထံမှသတင်းရရှိပါတယ်။
ကလေးမြို့၊ အောင်မေတ္တာရပ်ကွက်သို့ စစ်ကားအများအပြားနဲ့ရောက်လာပြီး လှေနဲ့ မြစ်သာမြစ်ကူးကာ နေ့လည်တစ်နာရီခန့်က ခြေကျင်နဲ့သွားတယ်လို့မျက်မြင်တွေ့သူတွေကပြောပါတယ်။
မြစ်သာမြစ်အရှေ့ကမ်းရှိ တဲတွေကိုလဲ အင်အားခြောက်ဆယ်ခန့်နဲ့ပိုက်စိပ်တိုက်ရှာဖွေတာတွေလုပ်တယ်ကာ လယ်ထွန်စက် တစ်စီး၊ ရေစုပ်စက် တစ်လုံး၊ ဆိုလာပြား ၂ ခု၊ နွားလှည်းတစ်စီးဖျက်ဆီးကြပြီး တဲမှာမွေးထားတဲ့ ကြက်တွေယူဆောင်သွားပြီး ပိုက်ဆံအနည်းငယ်လုယူသွားတယ်
လို့ ဒေသခံတွေကပြောပါတယ်။
ဒါကြောင့် အနီးနားက ရွာသားတွေ ရွာထဲမှာ မနေရဲကြတော့ဘဲ ဘေးလွတ်ရာသို့ထွက်ပြေးတိမ်းရှောင်ကြပါတယ်။ ဒီချိန်ဟာ နေကြာသိမ်းတဲ့ကာလဖြစ်ပေမယ့် ရွာသားတွေဟာ နေကြာယူမယ့်သူလည်းမရှိကြပေ။
