ကလေးမြို့မှာ စစ်ကောင်စီတပ်လုံခြုံရေးတင်းကြပ်ပြီး ပြည်သူကို ဖမ်းဆီးရိုက်နှက်

HAK/ ၅၊အောက်တိုဘာ၊၂၀၂၃

Zalen

စစ်ကိုင်းတိုင်း၊ ကလေးမြို့မှာ ယခုရက်ပိုင်း စစ်ရေးတင်းမာလို့ မြို့တွင်းမှာ လုံခြုံရေးတင်းကြပ်ထားပြီး မနေ့က စမ်းမြို့ရပ်ကွက်မှာ စစ်ကောင်စီတပ်က လမ်းပေါ်ကပြည်သူတွေကို အကြောင်းမဲ့ ရိုက်နှက်ဖမ်းဆီးတာ ပြုလုပ်ခဲ့တယ်လို့ သတင်းရရှိပါတယ်။

ယမန်နေ့ အောက်တိုဘာ ၄ ရက်နေ့ ညနေပိုင်းမှာလည်း ကလေးမြို့၊တာဟန်း၊စမ်းမြို့ရပ်ကွက်မှာ စစ်ကောင်စီက လမ်းသွားလမ်းလာပြည်သူတွေကိုရိုက်နှက်ဖမ်းဆီးမှုတွေလုပ်ခဲ့တယ်လို့သိရပါတယ်။

ယမန်နေ့ ညနေ ၄နာရီခွဲလောက်မှာ ကလေးမြို့၊ စမ်းမြို့ရပ်ကွက်၊ စမ်းမြို့ဘုန်းကြီးကျောင်းအနောက်ဘက် ရန်နိုင်ဦး အကင်ဆိုင်ရှေ့မှာ စစ်ကောင်စီတပ်တွေ အများပြားရောက်လာပြီး လမ်းသွားလမ်းလာတွေကို အကြောင်းမဲ့ ဖမ်းဆီးရိုက်နှက်ခဲ့တယ်လို့ သိရပါတယ်။

ဒေသခံတစ်ဦးက”စစ်သားတွေက အများကြီးပဲ ရောက်ချလာတာ၊ ဘာသတင်းရလဲတော့မသိဘူး။ သွားလာတဲ့ဆိုင်ကယ်တွေကိုရိုက်ခိုင်းပြီး တချို့ကို ဘာမှန်းမသိဘဲ ဖမ်းဆီးရိုက်နှက်တာမျိုးလုပ်တယ်။ ဗုံးလည်း ၂ ခါပေါက်ကွဲတယ်။ ဖမ်းဆီးရိုက်နှက်တဲ့သူတွေကိုတော့ပြန်လွတ်ပေးတယ်”လို့ Zalen ကိုပြောပါတယ်။

၎င်းစမ်းမြို့ရပ်ကွက်မှာပဲ ရောက်ရှိလာတဲ့ စစ်ကောင်စီတပ်သား တချို့က ပြည်သူနေအိမ် တစ်အိမ်ကို ဝင်မွှေပြီး ပိုက်ဆံ ၂သိန်းခိုးယူသွားတယ်လို့ သိရပါတယ်။

ကလေးမြို့ပေါ်တွင် စစ်ရေးတင်းမှာမှုမှာ (၁)လနီးပါးရှိနေပြီဖြစ်ပြီး၊ မြို့ထဲမှာလည်း စစ်ကောင်စီအင်အားများဖြည့်တင်းထားပြီး၊ အပြန်လှန်ပစ်ခတ်မှုများလည်း နေ့စဉ်နီးပါးရှိနေတာဖြစ်ပါတယ်။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်