ကလေးတက္ကသိုလ်မှ ချင်းကျောင်းသူ၊သား နှစ်ဦး ပညာသင်ထောက်ပံ့ကြေးပေးမယ်

ကလေးတက္ကသိုလ်မှ ချင်းကျောင်းသူ၊သား နှစ်ဦး ပညာသင်ထောက်ပံ့ကြေးပေးမယ်

ချင်းပြည်နယ်မှ ကလေးတက္ကသိုလ်သို့ ကျောင်းတက်မယ့် ကျောင်းသူ၊သား နှစ်ဦးကို The Hills Scholarship က လေးနှစ်ကြာ(၂၀၁၉-၂၀၂၃) ပညာသင်ထောက်ပံ့ကြေးအပြည့်အဝပေးအပ်မှာဖြစ်ပါတယ်။

ပညာသင်ထောက်ပံ့ကြေး တစ်နေရာကို ကျောင်းသူအတွက် သီးသန့်လျာထားပြီး အခြားတစ်ခုကိုမူ ဘယ်သူမဆို လျောက်ထားနိုင်ထားနိုင်ပါတယ်။

ပညာသင်ထောက်ပံ့ကြေးပေးမယ့် ဘာသာရပ်တွေကတော့ Myanmar, English, History, Geography, Philosophy နဲ့အခြားဘာသာရပ်မှ ကျောင်းသူ၊သားတွေလျှောက်ထားနိုင်ပါတယ်။

The Hills Scholarship ကိုစီစဉ်တဲ့ ဟားခါးအခြေစိုက် Chinbridge ကျောင်းမှဦးဆောင်သူ ဆလိုင်းဗန်ကျူံးလျန်က “လျှောက်ထားမယ့်သူက ဒေးကျောင်းသားဖြစ်ရမယ်။ စာတော်တဲ့ကလေးဖြစ်ရမယ်။ မိဘတွေချို့တဲ့သူနဲ့ တက္ကသိုလ်မတက်ဖူးတဲ့သူဖြစ်ရမယ်။ ပြီးတော့ ချင်းပြည်နယ်နဲ့နယ်နမိတ်ထိစပ်တဲ့ မြို့တွေက ချင်းကျောင်းသားတွေလည်း လျှောက်ထားနိုင်တယ်။ အဓိကတော့ ကျောင်းပြီးရင် ချင်းပြည်နယ်မှာ ပြန်ပြီးအလုပ်လုပ်မယ့်သူကို ဦးစားပေးရွေးချယ်မယ်။ ထောက်ပံ့ကြေးတွေကတော့ ကျောင်းလခ၊ အဆောင်ငှားခ၊ နေ့စဉ်စားသောက်စရိတ်တွေ၊ ရွာကနေ ကျောင်းထိသွားမယ့်ခရီးစရိတ်၊ ကျန်းမာရေးစောင့်ရှောက်ခတွေလည်းပါတယ်။ အခြေခံလိုအပ်ချက်တွေအကုန်လုံးထောက်ပံ့မယ်။ ဒီနှစ်ပဲစတာဆိုတော့ တခြား TU, နဲ့ KU ကျောင်းသူ၊သားတွေတော့ မပေးနိုင်သေးဘူး ” လို့ပြောပါတယ်။

လျှောက်လွှာကို ဇွန်လ (၃)ရက်ကနေ ဇူလိုင်လ (၃၁)ထိ လက်ခံမှာဖြစ်ပြီး စိတ်ဝင်စားပါက https://www.thehillseducation.com/copy-of-our-scholarship?fbclid=IwAR03Sl-uLi7V-9JyAGuvrqpPwTnKGuyLBNtLJZsmxvPeOoDIU1Xm9YmM8z8 မှာဝင်ရောက်ကြည့်ရှုနိုင်ပါတယ်။

နောက်ဆုံးရသတင်းများ

ပလက်ဝမြို့နယ် အေအေရဲ့ အုပ်ချုပ်မှုအောက်က ထိတ်လန့်ဖွယ် မုဒိမ်းမှုနဲ့ သတ်ဖြတ်မှုများ

အယိုက်လင်း အာရက္ခတပ်တော် (အေအေ) ထိန်းချုပ်ထားတဲ့ ချင်းပြည်နယ်၊ ပလက်ဝမြို့နယ်မှာ ရှစ်လအတွင်း အမျိုးသမီး လေးဦးဟာ အဓမ္မပြုကျင့်ခံရပြီး အမျိုးသမီး နှစ်ဦးမှာ သတ်ဖြတ်တာခံရပါတယ်။ ဒါဟာ ပလက်ဝမြို့နယ်ကို အေအေ ထိန်းချုပ်ထားပြီးနောက် အမျိုးသမီးတွေ ဆက်တိုက် အဓမ္မပြုကျင့်မှုကျူးလွန်ခံရတာဖြစ်ပါတယ်။ ...

ဆက်ဖတ်ရန်