ချင်းပြည်နယ်၊ မတူပီမြို့နယ်၊ လိုင်လင်းပီမြို့တွင်း ပစ်ခတ်မူဖြစ်ပွားပြီးနောက် စစ်ကောင်စီက မြို့တွင်း လုံခြုံရေးဂိတ်များ တိုးချဲ့ကာ ညမထွက်ရ အမိန့်ကို ဇူလိုင်လ (၉) ရက်နေ့ကစပြီး ထုတ်ပြန်ထားတယ်လို့ ဒေသခံတွေဆီက ကြားသိရသည်။
စစ်ကောင်စီရဲ့ ညနေ(၆) နာရီမှ မနက် (၆) နာရီအထိ မထွက်ရ အမိန့်ကြောင့် လိုင်လင်းပီမြို့ခံတွေ ညဘက် ဘုရားကျောင်းတက် ဝတ်ပြုရာတွင် အခက်ကြုံတွေ့ရတယ်လို့ သိရှိရသည်။
လိုင်းလင်ပီမြို့တွင်းနဲ့မြို့ပြင်တွင် စစ်ကောင်စီက လုံခြုံရေးဂိတ် (၁၀)ခုလောက် တိုးချဲ့ဖွင့်လှစ်ပြီး အာရူးလမ်း၊ မာလာလမ်း၊ ပိုက်တေလမ်းရှိ စစ်ကောင်စီဂိတ်တွေက ပြည်သူများအသွားလာလှုပ်ရှားမူကို စစ်ဆေးမေးမြန်း တင်းကြပ်ထားတယ်လို့ သိရှိရသည်။
လက်ရှိ လိုင်လင်းပီမြို့တွင် အခြေခံစားသောက်ကုန်များ ပြတ်လပ်မူဖြစ်ပွားပြီး ရိုးရိုးဆန် တစ်အိတ်ကို မြန်မာငွေ (၁၂၀,၀၀၀)ကျပ်ပေး ဝယ်ယူစားသောက်နေရသည်။ ပြီးခဲ့သည့် ဇူလိုင်လ (၈)ရက်နေ့တွင် လိုင်လင်းမြို့တွင်း ချင်းကာကွယ်ရေးတပ်ဖွဲ-မရာနဲ့ စစ်ကောင်စီတို့ ပစ်ခတ်မူဖြစ်ပွားပြီး စစ်ကောင်စီတပ်ဖွဲ့ဝင် (၄)ဦး သေဆုံးပြီး၊ စစ်ကောင်စီ၏ ရမ်းသမ်းပစ်ခတ်မူကြောင့် ပြည်သူအမျိုးသမီး(၁)ဦး သေဆုံးကာ လူနေအိမ် (၂)လုံး မီးလောင်ပျက်စီးခဲ့သည်။
