စစ်တပ်ဝင်ရောက်လာပြီးနောက် ပလက်ဝမြို့နယ်မှာ နေအိမ်များ မီးလောင်

ချင်းပြည်နယ်၊ ပလက်ဝမြို့နယ် အဘောင်သားရွာကို စက်တင်ဘာလ ၅ ရက်နေ့က စစ်ကောင်စီတပ်သားတွေ ဝင်ရောက်မီးရှို့ကြတယ်လို့ဒေသခံတွေထံကသတင်းရရှိပါတယ်။

ရက္ခိုင့်တပ်တော် နဲ့ စစ်ကောင်စီတပ်တို့တိုက်ပွဲဖြစ်ပွားတာကြောင့် အဘောင်သားရွာကပြည်သူတွေကို စစ်ကောင်စီတပ်က အတင်းအဓမ္မဖြင့် ကျေးရွာကနေအကုန်နင်ထုတ်ပြီး သြဂုတ်လကုန်ပိုင်းတွင် ပလက်ဝမြို့သို့လာရောက်ပြောင်းရွှေ့ကြပါတယ်။

အဘောင်သားရွာဟာ နေအိမ် ၁၅၀ လောက်ရှိတဲ့ ရွာဖြစ်ပြီး ရွာသား ၆၀၀ လောက် ပလက်ဝမှာ စစ်ဘေးရှောင်ကြပါတယ်။

လူမနေတော့တဲ့ အဘောင်သားရွာထဲကို စက်တင်ဘာ ၅ ရက်က စစ်ကောင်စီတပ်တွေဝင်လာပြီးနောက် အခုလို မီးလောင်သွားတာဖြစ်ပါတယ်။

“ရွာမှာတော့ ဘယ်သူမှ မရှိတော့ဘူး၊ မနေ့က စစ်တပ်ရောက်လာပြီး အိမ်တွေ မီးရှို့ခံထားရတယ်ပဲ သိရသေးတယ်။ လောလောဆယ်မှာတော့ နေအိမ် ဘယ်နှစ်အိမ် မီးရှို့ခံရသလဲဆိုတာကို ကျွန်တော်တို့ အတိအကျ မသိရသေးဘူး” လို့ ရွာသား တစ်ဦးက ပြောပါတယ်။

ဩဂုတ်လ ၂၄ ရက်နေ့က အဘောင်သားရွာသား အမျိုးသားတစ်ဦး တောထဲမျှစ်ရှာထွက်ပြီး အိမ်ပြန်မလာနိုင်လို့ ဇနီးသည်ကသွားရောက်ရှာဖွေစဉ် မိုင်းနင်းမိပြီးသေဆုံးခဲ့ပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်