ထန်တလန်မြို့တွင် လူနေအိမ်သုံးလုံးမီးလောင် မြေးအဘိုးနှစ်ဦးသေဆုံး၊ ၂ ဦးဒဏ်ရာရ

ထန်တလန်မြို့ အမှတ် (၁)ရပ်ကွက် တင်းနစ်ကွင်းပတ်လမ်းရှိ လူနေအိမ် ၃ လုံးဟာ ဒီမနက် ၂ နာရီခန့်ကမီးလောင်လို့ မြေးအဘိုးနှစ်ဦး သေဆုံးပြီး အမျိုးသမီး ၂ ဦးဒဏ်ရာရရှိသွားတယ်လို့သတင်းရရှိပါတယ်။

ဖြစ်စဉ်မှာ အမှတ်(၁)ရပ်ကွက် တင်းနစ်ကွင်းပတ်လမ်းရှိ ဦးချွန်လျန် (၉၀ နှစ်)နေအိမ် ၂ ထပ်၊ သွပ်မိုး၊ ပျဉ်ထောင်အိမ်မှ မီးကြွင်းမီးကျန်ကနေ မီးစတင်လောင်သွားရာ အနီးရှိ ဦးရွှေပဲန်း (၆၄နှစ်) နေအိမ် ၁ ထပ်သွပ်မိုး၊ ပျဉ်ထောင်အိမ်မီးလောင်ပြီး ဦးငွန်ဘွဲနေအိမ် ၁ ထပ် သွပ်မိုး၊ ပျဉ်ထောင်အိမ် တစ်ခြမ်း ကူးစက်လောင်ကျွမ်းသွားပါတယ်။

မီးစတင်လောင်ကျွမ်းရာနေအိမ်ပိုင်ရှင်ဖြစ်တဲ့ ဦးချွန်လျန် (၉၀ နှစ် နဲ့ ၎င်းရဲ့မြေး မောင်ကျူံးဟူးလျန် (၁၀ နှစ်) စတုတ္ထတန်းကျောင်းသားတို့သေဆုံးပြီး ဒေါ်ဇိန်လှဲန်း (၅၂ နှစ်) နဲ့ ဒေါ်ဖမ်မွေဘောရ် (၂၈ နှစ်) တို့မှာမီးလောင်ဒဏ်ရာ(မစိုးရိမ်ရ)အနည်းငယ်ရရှိကြပါတယ်။

၎င်းမီးကို မြို့နယ် မီးသတ်ယာဉ် (၃)စီးနဲ့ မီးငြိမ်းသတ်ရာ မနက် ၂ နာရီခွဲခန့်တွင် လုံးဝမီးငြိမ်းသတ်နိုင်ပါတယ်။

နောက်ဆုံးရသတင်းများ

၇၆ နှစ်မြောက် ချင်းအမျိုးသားနေ့ နှင့် မပြီးသေးသော ချင်းပြည်တည်ဆောက်ရေး

R.Lakher ဖေဖော်ဝါရီလ ၂၀၊ ၂၀၂၄ သည် ချင်းပြည်သူများ အမြတ်တနိုးတန်ဖိုးထားသော နေ့ထူးနေ့မြတ်ကြီး ဖြစ် ပါသည်။ လွန်ခဲ့သော နှစ်ပေါင်း ၇၆  (၁၉၄၈) တွင် ဦးဝမ္မသူးမောင် ဦးဆောင်ပြီး ချင်းညီလာခံ တစ်ရပ်ကို ချင်းပြည်နယ်၊ ...

ဆက်ဖတ်ရန်