ပလက်ဝမြို့နယ်အထက်ပိုင်းတွင် တိုက်ပွဲဖြစ်ပွားပြီးနောက် စစ်ကောင်စီက စစ်အင်အားဖြည့်

ချင်းပြည်နယ်၊ ပလက်ဝမြို့နယ်အထက်ပိုင်း၊ ရှင်းလက်ဝအုပ်စု၊ ခုံကျေးရွာအနီးတွင် ဇူလိုင်လ (၃) ရက်နေ့တွင် တိုက်ပွဲဖြစ်ပွားပြီးနောက် စစ်ကောင်စီက စစ်အင်အားဖြည့်တင်နေကြောင်း သတင်းရရှိသည်။

စစ်ကောင်စီ၏ စစ်အင်အားဖြည့်တင်မူကြောင့် တောင်ယာလုပ်ကိုင်စား သောက်နေသည့် ပြည်သူများက ‌တောင်ယာထဲသို့ အသွားလာပြုလုပ်ရာတွင် စိုးရိမ်နေရပြီး၊ တိုက်ပွဲပြန်ဖြစ်မည်ကိုလည်း စိုးရိမ်နေကြောင်း သိရှိရသည်။

လက်ရှိ ရှင်းလက်ဝရွာတွင် ပလက်ဝနယ်မြေခံ (၂၈၉) တပ်ရင်းနှင့် ရခိုင်ပြည်နယ် အခြေစိုက်တပ်ရင်းတို့က စစ်အင်အား ၇၀၀ ကျော် အင်အားဖြင့် ရှင်းလက်ဝရဲစခန်းနဲ့တွဲလျက် စခန်းထိုင်ကာ နေရာအနှံတွင် လုံခြုံရေးယူထားကြောင်း သတင်းရရှိသည်။

ရှင်းလက်ဝအုပ်စုသည် CDF-Paletwa တပ်ရင်း (၂) ထိန်ချုပ်နယ်မြေဖြစ်ပြီး၊ ပြီးခဲ့သည့် ဇန်နဝါရီလအတွင်း စစ်ကောင်စီနဲ့ CDF ပလက်ဝတို့ တိုက်ပွဲ (၅)ကြိမ်ဖြစ်ပွားပြီး စစ်ကောင်စီဘက်က (၁၆)ဦး သေဆုံးကာ စစ်ကောင်စီတပ်ဖွဲ့ဝင်များက ရှင်းလက်ဝဒေသခံပြည်သူများအား နောက်ထပ်တိုက်ပွဲဖြစ်ပွားလျှင် ရွာလုံးကျွတ်မီးရှို့မည်ဟု ခြိမ်းခြောက်ထားသည်။

နောက်ဆုံးရသတင်းများ

အသက် ၄၅ နှစ်အောက် မာရာပြည်သူတိုင်းစစ်မှုထမ်းရမယ့်အဆိုကို MTC/MDF အတည်ပြု

၆ ၊ ဇွန်လ၊ ၂၀၂၅ Zalen ချင်းပြည်နယ်၊ မာရာနယ်မြေ အတွင်း အသက် ၁၈-၄၅ နှစ်ကြား မာရာပြည်သူများအားလုံး စစ်မှုထမ်းရမယ်ဆိုတဲ့ အချက်အပါအဝင် အဆိုပေါင်း ၂၀ ကိုအတည်ပြုနိုင်ခဲ့ကြောင်း Maraland Territorial Council ...

ဆက်ဖတ်ရန်