မတူပီမြို့က ထွက်ပြေးသွားသော စစ်ကောင်စီတပ်သားများပြန်လည်ဖမ်းဆီးခံရ

ဒီဇင်ဘာလ ၁၄ ရက်နေ့တွင် ချင်းပြည်နယ်၊ မတူပီမြို့အခြေစိုက် ခလရ ၁၄၀ တပ်ရင်းကနေ လက်နက်အပြည့်အစုံဖြင့် ထွက်ပြေးသွားသော စစ်ကောင်စီတပ်သားများဟာ ဒီနေ့ ဒီဇင်ဘာ ၁၇ ရက်တွင် ပြန်လည်ဖမ်းဆီးခံရတယ်လို့သတင်းရရှိပါတယ်။

ထွက်ပြေးသွားသော စစ်သားအရေအတွက်ဟာ ခလရ ၁၄၀ အနီးက ရွာခံများ၏ ပြောကြားချက်အရ စစ်သား ၃ ဦးဟာ လက်နက် ၇ လက်ခန့်ယူသွားပြီး ထွက်ပြေးသွားကြောင်း သတင်းရရှိပြီးနောက် မတူပီမြို့တွင် စစ်သားများ ၁၄ ရက်နောက်ပိုင်း လက်လံရှာဖွေမှုများလုပ်ဆောင်ခဲ့တယ်လို့သိရတယ်။

ဒေသခံများ၏ ပြောဆိုချက်အရ ဒီနေ့ ဘုံတလာရေတံခွန်အနီးတွင် သေနတ်သံများကြားရကြောင်း ဆိုပါတယ်။ စစ်ကောင်စီတပ်သားများ၏ ပြောဆိုချက်အရလည်း ထွက်ပြေးခဲ့သော စစ်သားများနဲ့ လိုက်ရှာခဲ့သော စစ်ကောင်စီတပ်သားအုပ်စုဟာ ခဏတာ ပစ်ခတ်မှု ဖြစ်ပွားပြီးနောက် ထွက်ပြေးသွားသောသူတို့ကို ပြန်လည်ဖမ်းဆီးလိုက်ပြီဖြစ်ကြောင်း ဆိုကြပါတယ်။

နောက်ဆုံးရသတင်းများ