ဧပြီလ ၁၃၊ ၂၀၂၆
Zalen
အိန္ဒိယနိုင်ငံ၊ မဏိပူရ်ပြည်နယ်နဲ့ မြန်မာနယ်စပ်မှာ ကူကီးအမျိုးသားတပ်မတော်၊မြန်မာပြည် ( KNA-B) တပ်ဖွဲ့ဝင် ၄ ဦးသတ်ဖြတ်ခံရတယ်လို့ ဒေသတွင်းသတင်းမှာဖော်ပြထားပါတယ်။
အိန္ဒိယ-မြန်မာနယ်စပ်မှာ နာဂလင်အမျိုးသားဆိုရှယ်လစ်ကောင်စီ (NSCN-IM) လို့ ယူဆရတဲ့ သံသယရှိ ဖွယ်အဖွဲ့ဝင်များနဲ့ ကူကီးအမျိုးသားတပ်မတော်၊ မြန်မာပြည် (KNA-B) တို့ကြား ဒီကနေ့မှာ ထိတွေ့တိုက်ပွဲဖြစ်ပွား ခဲ့ပြီး KNA-B တပ်ဖွဲ့ဝင် ၄ ဦးသေဆုံးခဲ့တာလို့ သတင်းများထွက်ပေါ်လာခြင်းဖြစ်ပါတယ်။
ယုံကြည်စိတ်ချရသော သတင်းရင်းမြစ်များရဲ့ အဆိုအရ မဏိပူရပြည်နယ်၊ ကမ်ဂျုံခရိုင်ရှိ အာရှန် ကူလန် ကာကာနဲ့ မြန်မာနိုင်ငံရှိ ဖိုင်ယန်ရွာကြားမှာ ဒီကနေ့ ဧပြီလ ၁၃ ရက်၊ နံနက် ၉ နာရီမှ ၁၀ နာရီခန့်မှာ နှစ်ဖက် ထိတွေ့ပစ်ခတ်မှုရှိခဲ့တာ လို့ဆိုပါတယ်။
NSCN-IM တပ်ဖွဲ့ဝင်များဟာ သေဆုံးသူများထံမှ လက်နက်များနဲ့ ကျည်ဆံများကို သိမ်းဆည်းရမိခဲ့ တယ်လို့ သိရပေမယ့် သေဆုံးသူများရဲ့ အမည်စာရင်းများကိုတော့ တိတိကျကျ မသိရသေးပါ။
မဏိပူရ်ပြည်နယ်၊ ကမ်ဂျုံခရိုင်ရှိ နမ်လီ၊ ဝမ်လီ၊ အာရှန် ကူးလန်၊ ချိုရို နဲ့ အခြားရွာများ အပါအဝင် ရွာအများအပြားဟာ မြန်မာနိုင်ငံနဲ့ နယ်နိမိတ်ချင်း ထိစပ်နေပါတယ်။
Kuki National Army–Burma (KNA-B) ဟာ မြန်မာနိုင်ငံအတွင်းရှိ ကူကီး (Kuki) လူမျိုးကို ကိုယ်စားပြုတဲ့ လက်နက်ကိုင် အဖွဲ့အစည်းတစ်ခုဖြစ်ပြီး ကူကီးလူမျိုးရဲ့ အခွင့်အရေး၊ လုံခြုံရေးနဲ့ ကိုယ်ပိုင်အုပ်ချုပ်ခွင့် ကို ကာကွယ်ဖို့ ရည်ရွယ်ထားတဲ့ လက်နက်ကိုင်အဖွဲ့တစ်ခုဖြစ်ကြောင်းသိရပြီး အိန္ဒိယနိုင်ငံ၊ မဏိပူရ်ပြည်နယ်နဲ့ မြန်မာ နယ်စပ် ၊ စစ်ကိုင်းတိုင်းထဲမှာ အဓိက အခြချလှုပ်ရှားတဲ့အဖွဲ့အစည်းလို့သိရပါတယ်။
ကိုးကား – Ukhrul Times
သတင်း – Mickey
