မေ ၁၃၊ ၂၀၂၆
Zalen
ချင်းပြည်နယ်၊ တီးတိန်မြို့ သိမ်းတိုက်ပွဲ ဖြစ်လာတော့မယ်ဆိုတဲ့သတင်းကြောင့် ဒေသခံအများစုဟာ ဧပြီ လကုန်ကတည်းက ထွက်ပြေးတိမ်းရှောင်ကြသလို တီးတိန်မြို့ ဆေးရုံက ဆရာဝန်တွေလည်း ကြိုတင်စစ်ရှောင်
နေကြပါတယ်။
ဒါကြောင့် တီးတိန်ပြည်သူ့ဆေးရုံမှာ ဆေးကုသပေးမယ့် ဆရာဝန် မရှိတာကြောင့် ဒေသခံလူနာတွေ ဆေးကုသဖို့ အခက်အခဲဖြစ်နေကြတယ်လို့ သိရပါတယ်။
” ဆေးရုံအုပ်က မရှိဘူး၊ လက်ထောက် ဆရာဝန်ကလည်း ကြိုပြီး စစ်ရှောင်တယ်ဆိုတော့၊ စစ်မရှောင်ပဲ မြို့ထဲကျန်တဲ့ ဒေသခံတွေရော၊ ရွာတွေဘက်က ဒေသခံတွေနဲ့ မြို့ထဲကို ပြန်၀င်လာတဲ့ ဒေသခံတွေလည်း ရှိလာတော့ သူတို့ရဲ့ ကျန်းမာရေးအတွက် လိုအပ်တာပါ။ မဖြစ်မနေ လူနာတွေကတော့ ကလေးကို ဆင်းရတဲ့ အခြေအနေပါ။ ငွေကြေးကတော့ ခရီးစရိတ်နဲ့တင် အတော်ကို ကုန်ကြတာပေါ့ဗျာ။ ” လို့ မြို့ခံတဦးက ပြောပါတယ်။
ပြည်သူ့ဆေးရုံမှာ တနေ့ကို လူနာ တရာ၀န်းကျင်လောက် လက်ခံကြည့်ပေးတဲ့ လက်ထောက်ဆရာဝန် ဒေါက်တာ ဂိုဇမ်မုန် (Dr. Ngo Zam Mung) လည်း စစ်ရှောင်သွားတာကြောင့် လူနာတွေ အတွက် ပိုအခက်ကြုံနေရတာလို့ ဆိုပါတယ်။
တီးတိန်မြို့ပြည်သူ့ဆေးရုံဟာ ကုတင် (၁၀၀) ဆံ့ ဆေးရုံဖြစ်ပြီး တီးတိန်မြို့နယ်က ကျေးရွာတွေနဲ့ တွန်းဇံဘက်ကို ရွာတွေက ဒေသခံအများစုဟာ တီးတိန်ပြည်သူ့ဆေးရုံမှာပဲ ဆေးကုသမှုခံယူလေ့ရှိပါတယ်။
Helen
ဓာတ်ပုံ -MOI
တီးတိန်မြို့#ပြည်သူ့ဆေးရုံ#ဆရာဝန်#ကြိုတင်စစ်
ရှောင်#ဒေသခံလူနာများအခက်ကြုံ#Zalen
