မေ ၄၊ ၂၀၂၆
Zalen
ထိုင်းနိုင်ငံ၊.ချင်းမိုင်ခရိုင်၊ မယ်ရင်း (Mae Rim) ရှိ အလုပ်သမားစခန်းတခုမှာ ၎င်းတို့၏ အလုပ်ရှင်ကို သတ်ဖြတ်မှုဖြင့် မြန်မာလုပ်သား ၄ ဦးကို ယမာန်နေ့ မေ ၂ ရက်က ချင်းရိုင်နယ်စပ်မှာ မဖြတ်ကျော်မီ ရဲတပ်ဖွဲ့က ဖမ်းဆီးထားပါတယ်။
ဖမ်းဆီးခံရတွေမှာ စု၊ ယောင်း၊ ဒမ် နဲ့ ဘော့စ် အမည်ရှိ မြန်မာနိုင်ငံသား ၄ ဦးဖြစ်ပြီး ၎င်းတို့ကို လူတဦးကို ဓားနဲ့ဝိုင်းဝန်းသတ်ဖြတ်မှုဖြင့် တရားစွဲဆိုထားပါတယ်။
ချင်းရိုင်ရဲတပ်ဖွဲ့ဟာ သံသယရှိသူ ၄ ဦးကို နယ်စပ်ဖြတ်ကျော် ထွက်ပြေးဖို့ ပြင်ဆင်နေစဉ် ဝပ်ရွန်ခွန် (Wat Rong Khun) အနီးမှာ ကြားဖြတ်ဖမ်းဆီးနိုင်ခဲ့ခြင်း ဖြစ်ပါတယ်။
၎င်းတို့ကို ဥပဒေအရ အရေးယူနိုင်ဖို့ မယ်ရင်းရဲစခန်းသို့ လွှဲပြောင်းပေးခဲ့ပါတယ်။
ရဲတပ်ဖွဲ့ရဲ့ ပြောကြားချက်အရ သတ်ဖြတ်မှုဟာ မေလ ၁ ရက်နေ့ နံနက် ၂ နာရီခန့်မှာ ဖြစ်ပွားခဲ့ခြင်း ဖြစ်ပြီး သေဆုံးသူမှာ အသက် ၄၉ နှစ်အရွယ် ဦးဆိုမ်ချိုင်း ရှမ်းလူမျိုးဖြစ်ကာ သံသယရှိသူ ၄ ဦးနဲ့အတူ အလုပ်သမားစခန်းမှာ နေထိုင်သူဖြစ်ပါတယ်။
သံသယရှိသူ ၄ ဦးဟာ မပေးရသေးတဲ့ လုပ်ခလစာတွေနဲ ပတ်သက်ပြီး အငြင်းပွားပြီးနောက် သတ်ဖြတ်ဖို့ စီစဉ်ခဲ့ကြတာ ဖြစ်တယ်လို့ သိရပါတယ်။
ရဲတပ်ဖွဲ့ရဲ စုံစမ်းစစ်ဆေးမှုအရ ဦးဆိုမ်ချိုင်း အိပ်ပျော်နေစဉ် စု နဲ့ ယောင်း တို့က လည်ပင်းကို လှီးဖြတ်ပြီး ဓားဖြင့် ထိုးသတ်ခဲ့ပြီး၊ ဒမ် နဲ့ ဘော့စ် တို့က ကင်းစောင့်ပေးခဲ့တာလို့ သိရပါတယ်။
အဲဒီနောက် ၎င်းတို့ ၄ ဦးစလုံး စခန်းမှ ထွက်ပြေးသွားခဲ့ကြတာဖြစ်ပါတယ်။
CCTV မှတ်တမ်းများအရ ၎င်းတို့ဟာ အခင်းဖြစ်ရာနေရာမှ ထွက်ခွာသွားပြီး ချင်းရိုင်သို့ ဦးတည်သွားသည်ကို တွေ့ရှိခဲ့ရကာ နယ်စပ်မကူးမီ ဖမ်းဆီးနိုင်ခဲ့ခြင်း ဖြစ်ပါတယ်။
စစ်ဆေးမေးမြန်းမှုအတွင်း သံသယရှိသူတွေက ၎င်းတို့ကျူးလွန်ကြောင်း ဝန်ခံခဲ့ကြပြီး ဦးဆိုမ်ချိုင်းဟာ ၎င်းတို့ရဲ လုပ်ခလစာတွေကို ပေးဖို့ငြင်းဆန်ခြင်း၊ တောင်းမှပေးခြင်းမျိုးတွေ ပြုလုပ်ခဲ့ကြောင်း ပြောကြားခဲ့ပါတယ်။
သတင်း-ဆလိုင်း
ကိုးကား-The Thaiger
#ထိုင်း #လူသတ်မှု #မြန်မာ #လုပ်ခလစာ #Zalen
