ဇူလိုင် ၃၊ ၂၀၂၆
Zalen
ရုရှားတပ်ဖွဲ့များက ယူကရိန်းမြို့တော် ကိယက်ဗ် (Kyiv) ကို ညအချိန်အတွင်း ဒုံးကျည်များနှင့် ဒရုန်းများ အသုံးပြုပြီး အကြီးစားလေကြောင်းတိုက်ခိုက်မှု ပြုလုပ်ခဲ့ကြောင်း နိုင်ငံတကာသတင်းများတွင် ဖော်ပြထားပါတယ်။
တိုက်ခိုက်မှုဖြစ်ပွားစဉ် ကိယက်ဗ်မြို့တဝန်းတွင် လေကြောင်းတိုက်ခိုက်မှု သတိပေးစနစ်များအသံမြည်ခဲ့ပြီး ယူကရိန်းလေကြောင်းကာကွယ်ရေးတပ်ဖွဲ့များက ဝင်ရောက်လာသော ဒုံးကျည်များနှင့် ဒရုန်းများကို ကြားဖြတ်ဟန့်တားရန် ဆောင်ရွက်ခဲ့ကြောင်း သိရပါတယ်။
ယခုလိုအကြီးစားတိုက်ခိုက်မှုကြောင့် အနည်းဆုံး ၁၈ ဦး သေဆုံးပြီး လူအများအပြား ထိခိုက်ဒဏ်ရာရရှိခဲ့ကြောင်း BBC က ဖော်ပြထားပါတယ်။
ယက်ဗ်မြို့တော်ဝန်က ယခုတိုက်ခိုက်မှုကို မြို့တော်အပေါ် ကျရောက်ခဲ့တဲ့ အကြီးမားဆုံး တိုက်ခိုက်မှုများထဲက တခု ဖြစ်ကြောင်း ပြောကြားခဲ့ပါတယ်။
တိုက်ခိုက်မှုကြောင့် လူနေအဆောက်အအုံများနှင့် အခြေခံအဆောက်အအုံအချို့ ပျက်စီးခဲ့ပြီး မီးလောင်မှုများလည်း ဖြစ်ပွားခဲ့ပါတယ်။ ကယ်ဆယ်ရေးအဖွဲ့များက အပျက်အစီးများအောက်တွင် ပိတ်မိနေသူများကို ဆက်လက်ရှာဖွေကယ်ဆယ်နေကြောင်း သိရပါတယ်။
Vessy
ကိုးကား – DRM
