မေ ၁၄ ၊ ၂၀၂၆
Zalen

ပေါင်းသတ်ဆေး ၊ ပိုးသတ်ဆေး နဲ့အဆိပ်ပါ ဓာတုဆေးဝါးများအသုံးပြုခြင်းဟာ ရေရှည်မှာ ကဏ္ဍအသီးသီးမှာ ဆိုးကျိုးရှိတာကြောင့် တားမြစ်လိုက်တယ်လို့ မရာနယ်မြေအုပ်ချုပ်ရေးကောင်စီ ၊ ပြည်ထဲရေးနဲ့ ဒေသန္တရ အုပ်ချုပ်ရေးဌာနက ယမန်နေ့ မေလ ၁၃ ရက်နေ့မှာထုတ်ပြန်ထားပါတယ်။

မရာနယ်မြေအတွင်း ပေါင်းသတ်ဆေး ၊ ပိုးသတ်ဆေး နဲ့ အဆိပ်ပါဓာတုဆေးဝါးများအသုံးပြုခြင်းကြောင့် ပြည်သူလူထုရဲ့ ကျန်းမာရေးထိခိုက်မှုများ၊ မြေဆီလွှာပျက်စီးမှုများ၊ သောက်သုံးရေအဆိပ်သင့်မှုများ၊ မွေးမြူရေးတိရိစ္ဆာန်များသေဆုံးမှုများ နဲ့ သဘာဝပတ်ဝန်းကျင်ပျက်စီးမှုများ ဖြစ်ပေါ်လာနေတယ်လို့ဆိုပါတယ်။

ဒါ့အပြင်အဆိုပါ ဓာတုဆေးဝါးများဟာ ကလေးသူငယ်များ၊ ကိုယ်ဝန်ဆောင်မိခင်များနဲ့ သက်ကြီးရွယ်အိုများရဲ့ ကျန်မာရေးအပေါ်ဆိုးဝါးတဲ့ ထိခိုက်မှုများဖြစ်ပေါ်စေနိုင်တဲ့အပြင် ရေရှည်မှာဒေသခံပြည်သူများရဲ့ အသက် အန္တရယ်ကိုပါ ခြိမ်းခြောက်လာနိုင်တယ်လို့ဆိုပါတယ်။

ဒါ့ကြောင့် ဒေသခံပြည်သူများရဲ့ ကျန်းမာရေး၊ သဘာဝပတ်ဝန်းကျင်နဲ့ ရေမြေသယံဇာတများအား ကာကွယ်ထိန်းသိမ်းနိုင်ရန်အတွက် ကျေးရွာ/ဒေသအတွင်း ပေါင်းသတ်ဆေး ၊ ပိုးသတ်ဆေး နဲ့အဆိပ်ပါဓာတုဆေးဝါးများ ရောင်းချခြင်း၊ သိုလှောင်ခြင်း၊ သယ်ယူပို့ဆောင်ခြင်းနဲ့ အသုံးပြုခြင်းတို့ကို လုံးဝတားမြစ်လိုက်တယ်လို့ဆိုပါတယ်။

တားမြစ်ချက်အား ချိုးဖောက်သူမည်သူမဆို သက်ဆိုင်ရာဒေသန္တရအုပ်ချုပ်ရေးအဖွဲ့မှ စည်းမျဉ်းစည်းကမ်းများ နဲ့အညီ ထိရောက်စွာအရေးယူဆောင်ရွက်သွားမှာဖြစ်လို့ ဒေသခံများပူးပေါင်းလိုက်နာကြဖို့ အသိပေးထားပါတယ်။

သတင်း – Mickey
ဓါတ်ပုံ – AI