စစ်ကိုင်းတိုင်း၊ကလေးမြို့နယ် ငဖားကျေးရွာအနီးမှာ အကြမ်းဖက်စစ်ကောင်စီတပ်နဲ့ ပြည်သူကြားပစ်ခတ်မှုကြောင့် ဝမ်းဗိုက်ကျည်ထိတဲ့ ကလေးမြို့နယ်၊ သံဖိုရွာသား ဆလိုင်းထန်ဆန်(Salai Than Sang)-၂၆ နှစ်ဟာ ဒီမနက်(ဧပြီ ၃ရက်) ၂ နာရီတွင်ကျဆုံးသွားတယ်လို့သတင်းရရှိပါတယ်။
ဧပြီလ (၁)ရက်တွင် ငဖားကျေးရွာအနီးတွင် အကြမ်းဖက်စစ်ကောင်စီတပ်နဲ့ ပြည်သူကြားပစ်ခတ်မှုဖြစ်ပွားခဲ့ပါတယ်။
ကျည်ထိဒဏ်ရာရပြီးနောက် ကလေးမြို့နယ် နတ်ချောင်းရွာတိုက်နယ်ဆေးခန်းသို့ပို့ဆောင်ပေမယ့် ကိရိယာမလုံလောက်တာကြောင့် အနာသက်သာဆေးထိုးပြီး ဆေးကုသကြပါတယ်။ ဧပြီလ ၂ ရက်ညနေ ၉ နာရီတွင် ခွဲစိပ်ပြီး ဒီမနက်မှာ ကျဆုံးသွားတာဖြစ်တယ်။ အလောင်းကို ဇာတိရွာသို့ပြန်လည်သယ်ဆောင်ကြပါတယ်။
ကလေးမြို့နယ်တွင် စစ်အာဏာသိမ်းပြီးနောက် ကျဆုံးသူ ၁၇ ဦးရှိပါပြီ။ လက်ရှိကလေးမြို့တွင် စစ်အာဏာသိမ်းကိုဆန့်ကျင်တဲ့ သပိတ်တွေဆက်လက်ဆင်နွဲနေကြပါတယ်။
