၄၊ နိုဝင်ဘာလ၊ ၂၀၂၄
Zalen
အာဏာသိမ်း စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ဟာ သူအာဏာသိမ်းပြီးနောက် ပထမဆုံးအကြိမ် အဖြစ် တရုတ်နိုင်ငံကိုသွားရောက်မယ်လို့ စစ်ကောင်စီသတင်းပြန်ကြားရေးအဖွဲ့က ဒီကနေ့သတင်းထုတ်ပြန် ပါတယ်။
တရုတ်ရဲ့ဖိတ်ကြားချက်ဖြင့် ဗိုလ်ချုပ်မှူးကြီးမင်းအောင်လှိုင်ဟာ တရုတ်နိုင်ငံ၊ ကူမင်းမြို့ကိုသွားရောက်မှာဖြစ် ပြီးတော့ တရုတ်-မြန်မာ နှစ်နိုင်ငံကြားချစ်ကြည်ရေး၊ စီးပွားရေးနဲ့ ကဏ္ဍပေါင်းစုံပူးပေါင်းဆောက်ရွက်ရေး ပိုမို တိုးတက် အောက်ဆွေးနွေးကြမယ့်အပြင် တရုတ်အစိုးရတာဝန်ရှိသူများနဲ့လည်းတွေ့ဆုံသွားမယ်လို့ ထုတ်ပြန် ချက်မှာဖော်ပြထားပါတယ်။
စစ်ခေါင်းဆောင်က မနက်ဖြန် နိုဝင်ဘာလ ၅ ရက်နေ့မှာ တရုတ်ခရီးစဉ်စတင်မှာဖြစ်ပြီးတော့ ၆ ရက်နေ့နဲ့ ၇ ရက်နေ့တို့မှာကျင်းပသွားမယ့် မဟာမခေါင်ဒေသခွဲထိပ်သီးအစည်းအဝေး ၊ ၁၀ ကြိမ်မြောက် ဧရာဝတီ-ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ ထိပ်သီးအစည်း အဝေး နဲ့ ၁၁ ကြိမ်မြောက် ကမ္ဘောဒီယား-အာလို-မြန်မာ-ဗီယက်နမ် ပူးပေါင်းဆောင်ရွက်မှု ထိပ်သီးအစည်း အဝေးတို့ကိုလည်း ပါဝင်တက်ရောက်မယ်လို့ ဖော်ပြထားပါတယ်။
ဒီတစ်ခေါက် စစ်ခေါင်းဆောင်ရဲ့ တရုတ်ခရီးစဉ်ဟာ အာဏာသိမ်းပြီနောက်ပိုင်း တတိယအကြိမ် ပြည်ပ ခရီးစဉ် ဖြစ်ပါတယ်။
စစ်ခေါင်းဆောင်ဟာ အာဏာသိမ်းမှုဖြစ်ပြီးနောက်ပိုင်း သူ့ရဲ့ ပထမဆုံးပြည်ပခရီးစဉ်အဖြစ် ၂၀၂၁ ခုနှစ် ဧပြီလ အတွင်း အင်ဒိုနီးရှားနိုင်ငံမှာ ကျင်းပခဲ့တဲ့ အာဆီယံထိပ်သီးအစည်းအဝေးကိုတက်ရောက်ခဲ့သလို ၂၀၂၂ ခုနှစ် စက်တင်ဘာလ ၇ ရက်နေ့မှာ ရုရှားနိုင်ငံကို သွားရောက်ပြီး ရုရှားသမ္မတ ဗလာဒီမာပူတင်နဲ့ တွေ့ဆုံခဲ့ပါတယ်။
သတင်း – Abraham
