မေ ၁၁၊ ၂၀၂၆
Zalen
စစ်ကောင်စီဟာ ဖလမ်းမြို့ကို ဧပြီ ၂၅ရက်နေ့က ပြန်လည်သိမ်းယူပြီးနောက် ပြန်လည်တည်ထောင်ရေးတွေအလျင်အမြန်လုပ်ပြီးနောက် ပြည်သူတွေနေရပ်ပြန်လာနိုင်ပြီ ဆိုကာ ကလေး-ဖလမ်း လမ်းပိုင်းတွေမှာ စစ်ကောင်စီ အထိုင်ဂိတ် ၅ခုနီးပါးဖွင့်လှစ်ပြီး ဂိတ်ဖြတ်ခငွေကြေးတွေ အဆမတန်ကောက်ခံနေတယ်လို့ ဒေသသတင်းရင်းမြစ်များထံမှသိရှိရပါတယ်။
အဆိုပါ ကလေး -ဖလမ်း လမ်းတလျှောက်ဂိတ်၅ခုမှာ တောင်ဖီလာဂိတ် ၊၈မိုင် ဂိတ်၊၉မိုင် ဂိတ်၊ခိုင်ကမ်း ရဲစခန်းနဲ့ ခိုင်ကမ်း ဘီးခွန် ဂိတ်တွေဖြစ်တယ်လို့ သိရပါတယ်။
ကလေး–ဖလမ်းလမ်းတလျှောက်ရှိ ယင်းစစ်ကောင်စီဂိတ်များတွင် ငွေကြေးအဆမတန် ကောက်ခံနေတာကြောင့် ဒေသခံပြည်သူများ ဟာနေရပ်သို့ မပြန်နိုင်သေးကြောင်းသိရပါတယ်။
ဖလမ်းဒေသခံ စစ်တပ်ထောက်ခံပြည်သူတဦးက “ စစ်ဘေးရှောင်နေရလို့ဒုက္ခဖြစ်နေပါတယ်ဆို သူတို့ပြန်သိမ်းလို့ ငါတို့အေးအေးလူလူပြန်ရမလားထင်မိတာ မှားရော ကားကြီးတစီးကို စစ်ရှောင်တုန်းကတောင် သိန်း၂၀/၂၅ ပေးဌားရတာ အဲ့ဒါအပြီးအစီးနော် ၊ ခုဟာက စစ်တပ်ဂိတ်က ဂိတ်ဖြတ်ခတင် သိန်း ၈၀/၁၀၀ဆိုတော့ အတော့်ကိုလွန်တယ် ကားခဈေးက မေးတောင်မေးမကြည့်ချင်တော့ဘူး ပြန်မဲ့အစား ရောက်တဲ့နေရာစီးပွါးရေးပဲထလုပ်တာအေးမယ်လို့ “zalen သို့ပြောလာပါတယ်။
ဒါ့အပြင် စစ်ကောင်စီတပ်ဂိတ်က ကုန်တင်ကားကြီးသိန်း ၈၀ မှ ၁၀၀ ကြား၊ ကားသေး သိန်း၃၀မှ ၅၀ကြား တောင်းခံနေတယ်လို့လည်း သိရှိရပါတယ်။
ခုလိုဂိတ်ကြေးတွေအဆမတန်ကောက်တာနဲ့ပတ်သတ်ပြီး ဒေသခံအမျိုးသမီးတဦးက “ ဒီဂိတ်တွေမှာ စကစ က ကားတွေ ဆက်ကြေးကောက်တာကြမ်းလွန်းတယ်။ အရင် ချင်းတော်လှန်ရေးတပ်ဖွဲ့တွေဆို စေတနာရှိသလောက် ဒါမှမဟုတ် ၃၀၀၀၀/၅၀၀၀၀ ကျပ်လောက်နဲ့ပြီးတယ်ဗျ။ ခုလိုစစ်တပ်က လုပ်ရပ်ကို သူတို့အထက်ကမသိတာလားတော့မပြောတတ်ဘူး။ လက်ရှိငါတို့ ဖလမ်းပြန်ချင်တဲ့သူတွေ စရိတ်နဲ့တင်မပြန်နိုင်ကြဘူးလို့ “ဆိုလာပါတယ်
လက်ရှိတွင် ဖလမ်းမြို့နယ်အတွင်းသို့ ပြန်လည်ဝင်ရောက်နေနိုင်ပြီလို့ စစ်ကောင်စီဘက်က သတင်းတွေမှာ ဖော်ပြပါရှိပါတယ်။
ဖလမ်းမြို့နေပြည်သူများမှာ စစ်ကောင်စီကနေရပ်
ပြန်နိုင်ပြီပြောသော်လည်း လမ်းစရိတ်ခကြီးမားလွန်းတာကြောင့် နေရပ်ပြန်ရေးမှာ အခက်အခဲများစွာ ရှိနေသေးတယ်လို့သိရှိရပါတယ်။
ကလေး–တီးတိန်လမ်းပိုင်းတွင် ချင်းတော်လှန်ရေးတပ်ဖွဲ့တွေနဲ့ စစ်ကောင်စီတပ်ဖွဲ့တွေကြား တိုက်ပွဲများ မကြာခဏ ဖြစ်ပွါးနေကြောင်းလည်းသိရပါတယ်။
မိုင်
ဓာတ်ပုံ- ကလေး ၈မိုင်ဂိတ် (ပုံဟောင်း)
