ချင်းပြည်နယ်၊ တီးတိန်မြို့နယ်၊ ကလေး-သိုင်းငင်းရွာကြားမှာ CDF CDM Siyin နဲ့ စစ်ကောင်စီတပ်တွေဟာ အောက်တိုဘာ ၁၃ ရက်နဲ့ ၁၄ ရက်တွင် တိုက်ပွဲဖြစ်ပွားကြတယ်လို့ CDF CDM Siyin ကသတင်းထုတ်ပြန်ထားပါတယ်။
အောက်တိုဘာ ၁၃ ရက် မနက် ၈ နာရီတွင် ကလေး-သိုင်းငင်းကြားမှာ စခန်းချထားတဲ့ စစ်ကောင်စီတပ်သားတွေဟာ ခရီးသွားပြည်သူတွေထံ ငွေကောက်ခံဖို့ စခန်းတွင်းမှထွက်လာစဉ် ဆယ်ပေအကွာအဝေးကနေ CDF CDM Siyin မိုင်းဆွဲတိုက်ခိုက်လို့ စစ်ကောင်စီတပ်သား ၃ ဦး အစိတ်စိတ်အမွှာမွှာဖြစ်သွားတယ်လို့ထုတ်ပြန်ထားပါတယ်။
နောက်မှ ဆင်းလာသောအဖွဲ့ နဲ့ CDF CDM Siyin ရဲဘော်များ ဆယ်မိနစ်ခန့် အပြန်အလှန် ပစ်ခတ်ခဲ့ကြပါတယ်။
ထို့နောက် သိုင်းငင်းစစ်ကောင်စီ ကင်းစခန်းသို့ စစ်ကူ တက်လာမယ့် စစ်ကောင်စီများကို CDF CDM Siyin ရဲဘော်များ စောင့်နေစဉ် အောက်တိုဘာ ၁၄ ရက် နံနက် ၄:၄၈ မိနစ် တွင် စစ်ကောင်စီ ကား သုံးစီး တက်လာရာ တီးတိန်မြို့နယ်၊ ဟိန်ဇင်ရွာ နဲ့ ကော်ဖီခြံ ကြား ရှိ မြေနီကုန်း (Leisan mual) တွင် CDF CDM-Siyin ရဲဘော်များမှ ချောင်ပိတ်ကာ ၈ မိနစ်ခန့် ပစ်ခတ်တိုက်ခိုက်ခဲ့ကြကြောင်းသိရတယ်။
ယင်းတိုက်ပွဲတွင် CDF CDM Siyin တပ်ဖွဲ့ဝင်အားလုံး ထိခိုက်မှုမရှိဘဲ ဘေးကင်းစွာပြန်လည်ဆုတ်ခွာနိုင်ခဲ့ကြောင်းသိရတယ်။
