NLD သာသနာရေးဝန်ကြီး သူရဦးအောင်ကို လွတ်လပ်ရေးနေ့မှာ လွတ်ငြိမ်းနဲ့ လွှတ်မြောက်လာ

အဂတိလိုက်စားမှု တိုက်ဖျက်ရေးဥပဒေနဲ့ ထောင်ဒဏ် – ၁၂ နှစ်ချမှတ်ထားတဲ့ NLD သာသနာရေးဝန်ကြီး သူရဦးအောင်ကို စစ်ကောင်စီက လွှတ်ငြိမ်းနဲ့ ပြန်လွှတ်ပေးခဲ့တယ်လို့ သိရပါတယ်။

စိန်ရတုနှစ်ပတ်လည် လွတ်လပ်ရေးနေ့ဖြစ်တဲ့ ဒီနေ့ ဇန်နဝါရီ (၄) ရက်နေ့မှာ ပြန်လွှတ်ပေးခဲ့တာလို့ သိရပါတယ်။

စစ်ကောင်စီအာဏာသိမ်းလိုက်တဲ့ ၂၀၂၁ ခုနှစ်၊ ဖေဖော်ဝါရီ (၁) ရက်နေ့တည်းက NLD ပါတီထိပ်ပိုင်းခေါင်းဆောင်တွေနဲ့အတူ သူရဦးအောင်ကို ကိုစစ်ကောင်စီကဖမ်းဆီးထိန်းသိမ်းလိုက်တာဖြစ်ပြီး အဂတိလိုက်စားမှု တိုက်ဖျက်ရေးဥပဒေ ပုဒ်မ – ၅၅ နဲ့ အမှု ၄ ခုစွပ်စွဲခဲ့တာပါ။

အဲ့ဒီ အဂတိလိုက်စားမှု ၄ ခုနဲ့ တရားစွဲဆိုပြီး တစ်မှုအတွက် ထောင်ဒဏ် ၄ နှစ်စီကျခံဖို့ ချမှတ်ခဲ့တာက စုစုပေါင်း ထောင်ဒဏ် ၁၂ နှစ်ချမှတ်ခဲ့တာဖြစ်ပေမယ့် ၁ နှစ်မပြည့်ခင်မှာပဲ အခုလို လွတ်ငြိမ်းနဲ့ ပြန်လွှတ်ပေးခဲ့တာဖြစ်ပါတယ်။

နောက်ဆုံးရသတင်းများ

ငလျင်ဒဏ်ကြောင့် နောက်ဆက်တွဲ အကျိုးဆက် ဘာတွေ ဖြစ်နိုင်လဲ

ဝသာန် ၂၀၂၅ ခုနှစ် မတ်လ(၂၈)ရက်နေ့က မြန်မာနိုင်ငံမှာ (၇.၇)စကေးရှိတဲ့ အပြင်းထန်ဆုံး ငလျင်ဘေး‌ဒါဏ်ကို ခံစားခဲ့ရတယ်။အဆိုပါ ငလျင်ဘေးဒါဏ်ကနေ ကယ်ဆယ်ရေးလုပ်ငန်းတွေ လုပ်ဆောင်နေတာ (၁၀)ရက်ရှိသွားပေမယ့် ပြန်လည်ထူထောင်ရေးအတွက် အကူအညီလိုအပ်နေတုန်းပါပဲ။ မြန်မာနိုင်ငံကို နိုင်ငံတကာက အကူအညီအနေနဲ့ အမေရိကန်ဒေါ်လာ(၁၃၆.၈၈)သန်း ရရှိထားတယ် ...

ဆက်ဖတ်ရန်