အမေရိကန်လွှတ်တော်ရုံးနဲ့ပုံစံတူဆောက်ထားတဲ့ ချင်းပြည်နယ်လွှတ်တော်ရုံးကို နောက်နှစ် ဇန်နဝါရီလမှာ ဖွင့်လှစ်မယ်လို့ ပြည်နယ်လွှတ်တော် ဥက္ကဌဦးဇိုဘွဲ့ထံကသတင်းရရှိပါတယ်။
အမေရိကန်လွှတ်တော်အဆောက်အအုံ
ဦးဇိုဘွဲ့က “တည်ဆောက်ရေးကတော့ ပြီးသွားပြီ။ အထဲကပစ္စည်းတွေတပ်ဆင်ဖို့နည်းနည်းကျန်သေးတယ်။ နောက်နှစ် ဇန်နဝါရီလမှာဖွင့်လှစ်ဖို့ရှိတယ်”လို့ပြောပါတယ်။
ချင်းပြည်နယ်လွှတ်တော်ရုံးကို ကျပ်ဘီလျံ (၅ ဒသမ ၅)နဲ့ ၂၀၁၇ ခုနှစ် သြဂုတ်လကစတင်ပြီး Aroma Rose ကုမ္မဏီက တည်ဆောက်ထားပါတယ်။ လွှတ်တော်အဆောက်အုံသစ်ဟာ လက်ရှိ ချင်းပြည်နယ်အစိုးရရုံးအနီးမှာ တည်ဆောက်ထားပါတယ်။