၁၈ ၊စက်တင်ဘာ၊၂၀၂၄
Zalen
ချင်းပြည်နယ်၊မင်းတပ်မြို့နယ်အတွင်းတိုက်နယ်အမှတ် ၁ ရှိ၊မိုင် ၄၀ ကျေးရွာ အနီးအနားကို ဒီကနေ့ စက်တင်ဘာ ၁၈ ရက် ညနေ ၃ နာရီ ခွဲ၀န်းကျင်မှာ စစ်ကောင်စီကလေကြောင်းတိုက်ခိုက်မှု ၃ ကြိမ်ပြုလုပ်ခဲ့တယ်လို့သတင်းရရှိပါတယ်။
အဆိုပါလေကြောင်းတိုက်ခိုက်မှုမှာ စစ်ကောင်စီ ဗုံကြဲလေယာဉ်နှစ်စီးဖြင့် ပေါင် ၅၀၀ဗုံးသီး၃ လုံးအပြင် ဗုံးအသေးစားတွေကိုလည်း ကြဲချခဲ့တာကြောင့် အထိအခိုက်၊အပျက်အစီး များရှိနိုင်ပြီးအသေးစိတ်မသိရသေးဘူလို့သိရပါတယ်။
စစ်ကောင်စီလေကြောင်းတိုက်ခိုက်တဲ့ နေရာဟာ မိုင်လေးဆယ်ကျေးရွာနဲ့နီးသလို ဒေသခံများ တောင်ယာလုပ်တဲ့ နေရာတွေနဲ့လည်းနီးတယ်လို့ဒေသခံတွေထံကသိရပါတယ်။
“ကျွန်တော်တို့ရွာအနောက်ဘက်ကျတယ်။ လေယာဉ်လာလို့အကုန်ပြေးကြတယ်။ ပထမတစ်ခေါက်က တစ်လုံး၊ဒုတိယတစ်ခေါက်က ၂လုံးကြဲတာ။ အသေးတွေလည်းကြားရတယ်။ အသံကြားတာမိုင်လေးဆယ်အနီးအနားပဲ၊ အသေးစိတ်မသိရသေးဘူး၊အဲဒီနားတွေမှာကတောင်ယာတွေလည်းရှိတယ်” လို့ Zalen ကိုပြောပါတယ်။
ယခုလ စက်တင်ဘာလ ၁ ရက်နေ့မှ ၁၈ ရက်နေ့အထိ မင်းတပ်မြို့နယ်အတွင်း စစ်ကောင်စီ၏လေကြောင်းတိုက်ခိုက်မှုဟာအကြိမ်ရေ၂၀ ခန့်ရှိနေပြီး အရပ်သား ပြည်သူ နှစ်ဦးထိခိုက်ဒဏ်ရာရသလိုလူနေအိမ်များ ထိခိုက်ပျက်စီးခဲ့တာဖြစ်ပါတယ်။
သတင်း – မိုးပီအောင်
