မြန်မာ-အိန္ဒိယနယ်စပ် ဗာဖိုင်ရွာနဲ့ ဆိုင်ခုန်ဖိုင်ရွာလမ်းမှ မြန်မာ(၅)ဦးသယ်ဆောင်လာတဲ့ ရွှေချောင်း(၂၁၈)ခောျင်းကို သြဂုတ်လ(၂)ရက်မှာ အာသံရိုင်ဖယ်တပ်ရင်းလက်အောက်ခံ အမှတ် ၂၃ တပ်ခွဲမှ တပ်ဖွဲ့ဝင်များနှင့် အကောက်ခွန်အမှုထမ်းများပါဝင်သော ပူးပေါင်းအဖွဲ့က ဗာဖိုင်ရွာနားမှာ ဖမ်းမိခြင်းကြောင်း အိန္ဒိယသတင်းဌာနတွေက ရေးသားပါတယ်။
ဖမ်းမိထားတဲ့ မြန်မာ ၅ဦးမှာ ချင်းပြည်နယ် ဟားခါးမြို့နယ်နဲ့ တီးတိန်မြို့နယ်ကဖြစ်ပါတယ်။ ယင်းရွှေချောင်းတွေဟာ အိန္ဒိယ ကာလတန်ဖိုး ရူပီး သန်း(၁၁၀)ခန့်ရှိပါတယ်။
အဆိုပါ မြန်မာ ၅ ဦးတို့ဟာ ဗာဖိုင်ရွာနဲ့ ဆိုင်ခုန်ဖိုင်ရွာ လမ်းတစ်လျှောက် ကင်ဘို မော်တော်ဆိုင်ကယ် ၃ စီးဖြင့် ရွှေချောင်းများ သယ်ဆောင်လာကြသည်ကို အာသံရိုင်ဖယ်တပ်ရင်းလက်အောက်ခံ အမှတ် ၂၃ တပ်ခွဲမှ တပ်ဖွဲ့ဝင်များနဲ့ မီဇိုရမ်ရဲတွေပူးပေါင်းပြီး ဖမ်းမိတာဖြစ်ပါတယ်။ ၎င်းတို့အားလုံးကို မီဇိုရမ်ပြည်နယ် ကျန်ဖိုင်ခရိုင်မှာ အမှုဖွင့်ထားပါတယ်။
