ဇူလိုင် ၂၄၊ ၂၀၂၅။
Zalen
ချင်းပြည်နယ်၊ ဖလမ်းမြို့နယ်မှာ CNDF ဌာန ချုပ်နဲ့ ဂိတ်တွေကို CNA/CC ကသိမ်းယူပြီးနောက် CB အဖွဲ့ဝင်ထိန်းချုပ်ထားတဲ့ ဖလမ်းမြို့နယ်ဟာ CNA/CC ထိန်းချုပ်မှုအောက် ကျရောက်သွားပြီလို့ ၎င်းတို့ ဂိတ်ဖွင့်ထားတဲ့ စာရင်းအရ သိရတယ်။
Zalen သတင်းဌာနက စုံစမ်းရသလောက် ဖလမ်းမြို့နယ်အတွင်း CNA/CC က ဂိတ် ၁၇ ခုဖွင့်လှစ် တပ်စွဲထားပါတယ်။ CNDF ဌာနချုပ်မသိမ်းခင် ဖလမ်းမြို့နယ်တွင် ဟွာလ်ငိုနဲ့ ဇာညက်မျိုးနွယ်စုဒေသမှာ CNA/CC ဂိတ်၊ စခန်း ၅ ခုသာ ရှိခဲ့တာပါ။
ဒါပေမဲ့ အခုလက်ရှိမှာ ဖလမ်းမြို့နယ်အတွင်း CNDF ဂိတ်၊ စခန်း တစ်ခုမှမရှိတော့ဘူးလို့ Zalen ရဲ့ သတင်းရင်းမြစ်တွေထံက စုံစမ်းသိရပါတယ်။
CNDF ဌာနချုပ်ကို တိုက်ခိုက်နေစဉ် ဟားခါးမြို့ဘက်မှ ဖလမ်းမြို့ဘက်သို့ အင်အားအလုံး အရင်းနဲ့ စစ်ကြောင်းချီလာတဲ့ CNA/CC တပ်တွေဟာ ဟားခါး-ဖလမ်းလမ်း၊ ဆူရ်ဘုန်လေ ယာဉ်ကွင်းအနီးက CNDF ဂိတ်စခန်း ၃ ခုကိုပါတပြိုင်နက်ထဲ တိုက်ခိုက်သိမ်းယူခဲ့တာပါ။ အခုချိန်ထိလည်း အဲဒီဂိတ်စခန်းတွေမှာ CNA/CC က တပ်စွဲထားပါတယ်။
ဇူလိုင် ၂၁ ရက်က ဖလမ်းမြို့နယ် CNDF ဌာန ချုပ်နဲ့ CNA ဌာနချုပ်ကြား ကျေးရွာ ၈ ရွာမှ ရပ်မိရပ်ဖိနဲ့သင်းအုပ်ဆရာတော်တွေကို အစည်း အဝေးခေါ်ခဲ့ပါတယ်။
အဲဒီအစည်းအဝေးမှာ CNA ပြောရေးဆိုခွင့်ရှိ သူ ဆလိုင်းထက်နီက “ဖလမ်းမြို့နယ်ကို သိမ်းဖို့မရည်ရွယ်ဘူး။ အခုလို ရွာတိုင်းမှာတပ်စွဲတာက လုံခြုံရေးကြောင့် ခဏတပ်စွဲတာ။ ငြိမ်းချမ်ရေး ကိစ္စ ဆွေးနွေးပြီးရင် အရင်အတိုင်းပြန်နေမယ်” လို့ ဒေသခံတွေကို ရှင်းပြခဲ့တယ်လို့ သိရပါတယ်။
အခုလက်ရှိ ဖလမ်းမြို့နယ်အတွင်းက ကလေး-ဟားခါးလမ်းပိုင်းမှာ CNA/CC ဂိတ်စခန်း ၄ ခု၊ ဝေဘူလ-ဖလမ်းကြားမှာ ဂိတ်စခန်း ၁ ခု၊ ဖလမ်း-ရိခေါ်ဒါရ်လမ်းပိုင်းမှာ ဂိတ်စခန်း ၆ ခု အသီးသီးနေရာယူထားပါတယ်။ ဒါ့အပြင် CNDF ဌာနချုပ်နဲ့ CNA ဌာနချုပ်ကြား ဖလမ်းမြို့နယ်အတွင်းမှာ ဂိတ်စခန်း ၈ ခုချပြီး တပ်စွဲထားပါတယ်။
သတင်း – Xox
ဓာတ်ပုံ- Piang Piang
