၂၀ ၊ နို၀င်ဘာ ၊၂၀၂၅
Zalen
မကွေးတိုင်း ၊ ဂန့်ဂေါမြို့နယ် မြောက်ပိုင်းရှိ တောင်ခင်ရန်းကျေးရွာကို ဒီကနေ့ နို၀င်ဘာလ ၂၀ ရက်နေ့ မှာ စစ်ကောင်စီက လေကြောင်းတိုက်ခိုက်မှုထပ်မံပြုလုပ်ခဲ့ပြီး ပျူစောထီး ကျေးရွာတွေမှာ ရိက္ခာတွေချပေးနေတယ်လို့ ဒေသခံတွေထံက သတင်းရရှိပါတယ်။
ပျူစောထီးကျေးရွာတွေဖြစ်တဲ့ မြောက်ခင်ရန်း ၊ ဟံသာ၀တီကျေးရွာ တွေမှာ စစ်ကောင်စီတပ်က Y-12 ၊ စစ်ထောက်ပို့ရဟတ်ယာဉ်တွေနဲ့ ရိက္ခာတွေကို လာရောက်ပို့ဆောင်ခဲ့တယ်လို့ဆိုပါတယ်။
အဲဒါနဲ့ပတ်သက်လို့ ဒေသခံအမျိုးသားတစ်ဦးက “ရွာထဲကိုကျတယ်တဲ့။မနေ့ကပစ်တဲ့နေရာ အနီးအနားတွေထပ်လာပစ်တာပါ။ ဘူတာနားကလယ်ကွင်းတွေထဲ ကျတာတဲ့။အထိအခိုက်တော့မသိရသေးဘူး” လို့ Zalen ကိုပြောပါတယ်။
ပျူစောထီးကျေးရွာတွေမှာလည်း လက်နက် ၊ ခဲယမ်း တွေကို လေထီးနဲ့ချပေးထားပြီး အထုပ်အရေအတွက်ဘယ်လောက်ချပေးတယ်ဆိုတာ အသေးစိတ်မသိရဘူးလို့ ၎င်းက ရှင်းပြပါတယ်။
နို၀င်ဘာလ ၁၈ ရက် ညပိုင်းက အကြမ်းဖက်စစ်ကောင်စီတပ်ရဲ့ လေကြောင်းကနေဗုံးကြဲတိုက်ခိုက်မှုကြောင့် တောင်ခင်ခင်ရန်းကျေးရွာက အမျိုးသား ၁ ဦးသေဆုံးပြီး၊၇ ဦးထိခိုက်ဒဏ်ရာ ရရှိခဲ့ကြောင်း သိရပါတယ်။
သတင်း – ယောနေ
ဓာတ်ပုံ – နို၀င်ဘာလ ၁၈ ရက် ညက စစ်ကောင်စီလေကြောင်းတိုက်ခိုက်မှုကြောင့်ပျက်စီးတဲ့ပုံ
#လေကြောင်းတိုက်ခိုက်မှု
#မကွေးတိုင်း#ဂန့်ဂေါ#ပျူစောထီး#ဗုံးကြဲ#စစ်ကောင်စီ#zalen
