ဖေဖော်ဝါရီ ၇၊ ၂၀၂၆ ။
Zalen
စစ်ကိုင်းတိုင်း၊ ကလေးမြို့မှာ စစ်ကောင်စီတပ်က စစ်မှုထမ်းဖို့အတွက် အခုရက်ပိုင်းအတွင်းမှာ လူငယ်တွေကို ဖမ်းဆီးမှုတွေ ပိုလုပ်လာတယ်လို့ ဒေသခံတွေက ပြောပါတယ်။
ဒီနေ့ ဖေဖော်ဝါရီ ၇ ရက်နေ့မှာလည်း လူငယ် ၅ဦးထက်မနည်းကို ဖမ်းဆီးခဲ့တာကိုတွေ့ရတယ်လို့ မျက်မြင်တွေ့ရှိသူ ဒေသခံတွေက ပြောပါတယ်။
ကလေးမြို့ပေါ်က တာဟန်း၊ မွန်းလိုင်း၊ တောင် ဇလပ်၊ တောင်ဖီလာနဲ့ တံတားဦးရပ်ကွက်တွေမှာ ရှောင်တခင် ဖမ်းဆီးနေတာလို့ သိရပါတယ်။
” ဒီနေ့မှာလည်း အင်အားအများကြီးနဲ့ တားပြီး ဖမ်းနေတာ၊ လူငယ်တွေဆို ဆိုင်ကယ်ကို တားတယ်၊ တားပြီးတော့ ကားပေါ်ကို ဆွဲခေါ်ပြီး တင်သွားတာ။ နေ့တိုင်းလိုလိုပဲ ဖမ်းနေတာ။ ဒီရက်ပိုင်း အဖမ်းအဆီးတွေ ပိုစိပ်နေတယ်။ ” လို့ ဒေသခံတဦးက ပြောပါတယ်။
စစ်ကောင်စီတပ်က ဖမ်းဆီးသူတွေထဲမှာ လူငယ်တွေ အပြင် ကျောင်းသားတွေနဲ့ အသက်မပြည့်သေးသူတွေ ပါနေတယ်လို့ သိရပါတယ်။
ဖမ်းဆီးခံရသူတွေကို ပြန်လွတ်ဖို့ မိသားစုဝင်တွေကို ငွေလမ်းခင်းပြီး ပြန်ရွေးနေကြရပေမယ့် ပြန်မလွတ်လာသူတွေလည်း အများအပြားရှိနေတယ်လို့ ဆိုပါတယ်။
” မိသားစုထဲ ယောက်ျားလေးတွေ တယောက်ပြီး တယောက် ဖမ်းခံနေရတယ်။ ပထမ အငယ်ကောင်က ပါသွားလို့ သိန်း ၅၀ ကျော်နဲ့ ရွေးထားရတယ်။ အခု အကြီးတယောက် ပါသွားပြန်ပြီ၊ လိုက်တော့ လိုက်နေတုန်း၊ ဦးစီးမှူးတွေလည်း အပြောင်းအရွေ့ရှိနေတော့ ပြန်ရွေးလို့မရသေးဘူး။ တပ်ထဲပါဖို့ သေချာသလောက်ဖြစ်နေပြီ၊ ဘယ်လိုလုပ်ရမလဲတောင်မသိတော့ပါဘူး၊ ရှာလို့ ရသမျှနဲ့ လိုက်တော့ လိုက်နေတာပဲ။ ” လို့ ဖမ်းဆီးခံထားရသူရဲ့ မိသားစုဝင်က ပြောပါတယ်။
လက်ရှိ စစ်ကောင်စီရဲ့ ဖမ်းဆီးမှုတွေကြောင့် လူငယ်နဲ့ လူလတ်ပိုင်းတွေဟာ တယောက်တည်း အိမ်အပြင်မထွက်ရဲတော့သလောက်ဖြစ်နေပြီး မဖြစ်မနေ အရေးကြီးကိစ္စရှိမှ မြို့ထဲကို သွားလာနေကြရပါတယ်။
သတင်း-Helen
ဓာတ်ပုံ-လူမှုကွန်ယက်
#ကလေး#စစ်မှုထမ်း#ပေါ်တာဆွဲ#Zalen
ကလေးမြို့မှာ စစ်ကောင်စီတပ်က စစ်မှုထမ်းဖို့အတွက် လူငယ်တွေကို ပေါ်တာဆွဲဖမ်းဆီးမှု ပိုလုပ်လာ
========
ဖေဖော်ဝါရီ ၇၊ ၂၀၂၆ ။
Zalen
စစ်ကိုင်းတိုင်း၊ ကလေးမြို့မှာ စစ်ကောင်စီတပ်က စစ်မှုထမ်းဖို့အတွက် အခုရက်ပိုင်းအတွင်းမှာ လူငယ်တွေကို ဖမ်းဆီးမှုတွေ ပိုလုပ်လာတယ်လို့ ဒေသခံတွေက ပြောပါတယ်။
ဒီနေ့ ဖေဖော်ဝါရီ ၇ ရက်နေ့မှာလည်း လူငယ် ၅ဦးထက်မနည်းကို ဖမ်းဆီးခဲ့တာကိုတွေ့ရတယ်လို့ မျက်မြင်တွေ့ရှိသူ ဒေသခံတွေက ပြောပါတယ်။
ကလေးမြို့ပေါ်က တာဟန်း၊ မွန်းလိုင်း၊ တောင် ဇလပ်၊ တောင်ဖီလာနဲ့ တံတားဦးရပ်ကွက်တွေမှာ ရှောင်တခင် ဖမ်းဆီးနေတာလို့ သိရပါတယ်။
” ဒီနေ့မှာလည်း အင်အားအများကြီးနဲ့ တားပြီး ဖမ်းနေတာ၊ လူငယ်တွေဆို ဆိုင်ကယ်ကို တားတယ်၊ တားပြီးတော့ ကားပေါ်ကို ဆွဲခေါ်ပြီး တင်သွားတာ။ နေ့တိုင်းလိုလိုပဲ ဖမ်းနေတာ။ ဒီရက်ပိုင်း အဖမ်းအဆီးတွေ ပိုစိပ်နေတယ်။ ” လို့ ဒေသခံတဦးက ပြောပါတယ်။
စစ်ကောင်စီတပ်က ဖမ်းဆီးသူတွေထဲမှာ လူငယ်တွေ အပြင် ကျောင်းသားတွေနဲ့ အသက်မပြည့်သေးသူတွေ ပါနေတယ်လို့ သိရပါတယ်။
ဖမ်းဆီးခံရသူတွေကို ပြန်လွတ်ဖို့ မိသားစုဝင်တွေကို ငွေလမ်းခင်းပြီး ပြန်ရွေးနေကြရပေမယ့် ပြန်မလွတ်လာသူတွေလည်း အများအပြားရှိနေတယ်လို့ ဆိုပါတယ်။
” မိသားစုထဲ ယောက်ျားလေးတွေ တယောက်ပြီး တယောက် ဖမ်းခံနေရတယ်။ ပထမ အငယ်ကောင်က ပါသွားလို့ သိန်း ၅၀ ကျော်နဲ့ ရွေးထားရတယ်။ အခု အကြီးတယောက် ပါသွားပြန်ပြီ၊ လိုက်တော့ လိုက်နေတုန်း၊ ဦးစီးမှူးတွေလည်း အပြောင်းအရွေ့ရှိနေတော့ ပြန်ရွေးလို့မရသေးဘူး။ တပ်ထဲပါဖို့ သေချာသလောက်ဖြစ်နေပြီ၊ ဘယ်လိုလုပ်ရမလဲတောင်မသိတော့ပါဘူး၊ ရှာလို့ ရသမျှနဲ့ လိုက်တော့ လိုက်နေတာပဲ။ ” လို့ ဖမ်းဆီးခံထားရသူရဲ့ မိသားစုဝင်က ပြောပါတယ်။
လက်ရှိ စစ်ကောင်စီရဲ့ ဖမ်းဆီးမှုတွေကြောင့် လူငယ်နဲ့ လူလတ်ပိုင်းတွေဟာ တယောက်တည်း အိမ်အပြင်မထွက်ရဲတော့သလောက်ဖြစ်နေပြီး မဖြစ်မနေ အရေးကြီးကိစ္စရှိမှ မြို့ထဲကို သွားလာနေကြရပါတယ်။
သတင်း-Helen
ဓာတ်ပုံ-လူမှုကွန်ယက်
#ကလေး#စစ်မှုထမ်း#ပေါ်တာဆွဲ#Zalen
