မတ် ၁၃၊၂၀၂၆
Zalen
ချင်းပြည်နယ် ၊ မတူပီမြို့ကို စစ်ကောင်စီ လေတပ်က ဒီကနေ့ မတ်လ ၁၃ ရက် နေ့ မှာ ဂျက်ဖိုက်တာ ၂စီး နဲ့ လေကြောင်းကေန ၃ ကြိမ် ဗုံးကြဲ တိုက်ခိုက်မှုပြုလုပ်ခဲ့တယ်လို့ ဒေသခံတွေထံကသတင်း ရရှိပါတယ်။
အဆိုပါလေကြောင်း တိုက်ခိုက်မှုမှာ တံတားဦး လေတပ်ကနေတက်လာတဲ့ ဂျက်ဖိုက်တာ ၂စီး နဲ့ ၈ နာရီ ၂၀ မိနစ် ကနေ ၈ နာရီ ၃၀ မိနစ် အထိ ၃ ကြိမ် ဗုံးကြဲတိုက်ခိုက်ခဲ့တာလို့ ဆိုပါတယ်။
အဲဒါနဲ့ပတ်သက်လို့ ဒေသခံအမျိုးသားတဦးက” မတူပီ မြို့အပြင်ဘက်တွေကိုကြဲတာ။ ။ အသေးစိတ်ကိုတော့ စုံစမ်းနေရဆဲပါ “လို့ Zalen ကိုပြောပါတယ်။
စစ်ကောင်စီ လေကြောင်းတိုက်ခိုက်မှုကြောင့် ထိခိုက် ပျက်စီးမှု အသေးစိတ်ကိုတော့ မသိရသေးဘူးလို့ သူက ဆက်ရှင်းပြပါတယ်။
ပြီးခဲ့တဲ့ မတ်လ ၁၁ ရက်နေ့တုန်းကလည်း
မတူပီ အရှေ့ဘက်ခြမ်း နေရာတွေကို စစ်ကောင်စီကလေကြောင်းတိုက်ခိုက်မှုပြုလုပ်ခဲ့ပြီး မနေ့က ၁၂ ရက်နေ့မှာလည်း စစ်ကောင်စီကင်းထောက်ယာဉ် ATR-42 တစ်စင်း မတူပီ နယ်အတွင်း ကင်းထောက်ပျံဝဲနေတယ်လို့ သိရပါတယ်။
သတင်း – ဘုံတလာသား
ဓာတ်ပုံ – ပေးပို့
#မတူပီမြို့#စစ်ကောင်စီ#ဗုံးကြဲ#Zalen
