မတ်၊ ၂၄၊ ၂၀၂၆
Zalen
ချင်းပြည်နယ်၊ ဖလမ်းမြို့နယ်ကို အင်အားအလုံးအရင်းနဲ့ စစ်ကြောင်းထိုးလာတဲ့ စစ်ကောင်စီကို ခုခံတိုက်ခိုက်ရန်အတွက် သွားရောက်စစ်ကူပေးခဲ့တဲ့ CDF-Paletwa မှ ရဲဘော်တွေဟာ ၎င်းတို့ရဲ့ တာဝန်တွေကို အောင်မြင်စွာ ထမ်းဆောင်ပြီးနောက် မိခင်ဗဟိုဌာနချုပ်သို့ ပြန်လည်ရောက်ရှိလာပြီ ဖြစ်ပါတယ်။
အဆိုပါ ရဲဘော်များသည် ဖလမ်းစစ်မျက်နှာမှာ ၅ လနီးပါးကြာအောင် ခက်ခဲကြမ်းတမ်းသော တိုက်ပွဲဝင်မှုတွေ၊ နယ်မြေစိုးမိုးရေး လုပ်ငန်းတွေကို အခြားသော မဟာမိတ်တပ်ဖွဲ့တွေနဲ့အတူ လက်တွဲဆောင်ရွက်ခဲ့ကြသူများ ဖြစ်ပါတယ်။
၎င်းတို့ ပြန်လည်ရောက်ရှိလာမှုကို CDF-Paletwa ဗဟိုဌာနချုပ် တာဝန်ရှိသူတွေနဲ့ ရဲဘော်တွေက သောင်းသောင်းဖျဖျ ကြိုဆိုဂုဏ်ပြုခဲ့ကြပါတယ်။
အခမ်းအနားမှာ ရှေ့တန်းပြန်ရဲဘော်တွေရဲ့ ဇွဲလုံ့လနဲံ စွန့်လွှတ်စွန့်စားမှုတွေကို အသိအမှတ်ပြုတဲ့အနေနဲ့ ဂုဏ်ပြုစကားတွေ ပြောကြားခဲ့ကြပြီး ရဲဘော်တွေရဲ့ နားနေရေးနဲ့ ကျန်းမာရေးကိစ္စရပ်များကိုလည်း စီစဉ်ဆောင်ရွက်ပေးခဲ့တယ်လို့ သိရပါတယ်။
သတင်း-ဆလိုင်း
