မေ ၈ ၊၂၀၂၆
Zalen
မကွေးတိုင်း၊ ဂန့်ဂေါခရိုင်၊ ဆောမြို့နယ် ၊ကျောက်ထု ဒေသအတွင်း ဒီကနေ့ မေလ ၈ ရက်နေ့ ၊ ညသန်းခေါင်ကျော် ၁၂ နာရီ ခွဲ၀န်းကျင်မှာ စစ်ကောင်စီတပ် ကလေကြောင်းတိုက်ခိုက်မှုထပ်မံ ပြုလုပ်ခဲ့တယ်လို့သတင်းရရှိပါတယ်။
အဲဒီလေကြောင်းတိုက်ခိုက်မှု မှာ စစ်ကောင်စီတပ်က ဂျက်ဖိုက်တာ ၁ စီးနဲ့ ၁ ကြိမ် ဗုံးကြဲချပစ်ခတ်တိုက်ခိုက်ခဲ့တာလို့ ဆိုရပါတယ်။
ဒေသခံတစ်ဦးပြောတာက”ပန်းဆန် အနောက် တောင်ဘက် စွန်တောင်ခင်ရိုးကိုပစ်တာ။နယ်စပ်နေရာတွေပေါ့ ” လို့ Zalen ကိုပြောပါတယ်။
မနေ့က မေလ ၇ ရက် နေ့တုန်းကလည်း ပန်းဆန် မြောက်ဘက် နတ်ထိပ်ကုန်းနေရာတွေကို ဂျက်ဖိုက်တာ ၂ စီးနဲ့ လေကြောင်းတိုက်ခိုက်မှုပြုလုပ်ခဲ့ပြီး လက်နက်ကြီးနဲ့ပါ ပစ်ခတ်မှု ပြုလုပ်ခဲ့ပါတယ်။
မေလ ၅ ရက် နဲ့ ၄ ရက်နေုတုန်းကလည်း ဆောနယ် ကိုစစ်ကောင်စီတပ်က လေကြောင်းကနေ ဆက်တိုက် ပစ်ခတ်ခဲ့ပြီး ကျောက်ထုနယ်ကိုလည်း လေကြောင်းနဲ့ ဆက်တိုက် ရိက္ခာဖြည့်၊ ဗုံးကြဲတိုက်ခိုက်မှုတွေ ပြုလုပ်နေတာဖြစ်ပါတယ်။
သတင်း – ယောနေ
