ကလေးမြို့အကျဉ်းထောင်တွင် CNDF ရဲဘော်တစ်ဦးကျဆုံး၊ ဇာတိမြို့၌သဂြိုလ်ခွင့်မရ

ကလေးမြို့အကျဉ်းထောင်တွင် ထောင်ချခံရတဲ့ CNDF ရဲဘော် Salai Van Biak Him ဟာ မနေ့ ဩဂုတ် ၆ ရက်မနက်ပိုင်းတွင် ကလေးမြို့ပြည်သူ့ဆေးရုံတွင် ကျဆုံးတယ်လို့သတင်းရရှိပါတယ်။

မနှစ်တုန်းက အကျဉ်းထောင်တွင်းပစ်ခတ်မှုမှာကျဆုံးသွားတဲ့ ဗန်ဒိမ်းနဲ့အတူတူ ၂၀၂၁ ခုနှစ် ဇွန်လတွင် ကလေးမြို့မှာ စစ်ကောင်စီရဲ့ ဖမ်းဆီးခံခဲ့ပါတယ်။

CNDF ပြောရေးဆိုခွင့်ရှိသူ ဆလိုင်းကျူံးငိုင်းက “သူက အဆုတ်နဲ့ နှလုံးရောဂါအခံရှိတယ်လို့ကြားတယ်။ မနေ့ မနက် ၁၀ နာရီလောက်မှာ ကလေးမြို့ ပြည်သူ့ဆေးရုံမှာ ရောက်လာပြီးတော့ နာရီဝက်လောက်ကြာတော့ ဆုံးသွားတယ်။ သူများတွေကြားကောင်းအောင် သေခါနီးမှာ ဆေးရုံကိုပို့လာတာပဲ။ ထောင်ထဲမှာ ကောင်းကောင်းဆေးကုသခွင့် တောင်ရမှာမဟုတ်ဘူး။ ပြီးတော့ အလောင်းကိုလည်း ဇာတိဖလမ်းမြို့မှာသယ်ယူခွင့်မပြုဘဲ ကလေးမြို့မှာပဲ ဒီနေ့ သဂြိုလ်ကြတယ်”လို့ပြောပါတယ်။

Salai Van Biak Him ဟာ အကြမ်းဖက်မှုတိုက်ဖျက်ရေးဥပဒေ ပုဒ်မ ၅၀ (က)၊ နဲ့ ၅၂ (က)တို့ဖြစ် ထောင်ဒဏ် (၁၀)နှစ်ချမှတ်ခံရပါတယ်။ ၎င်းဟာ ၂၀၂၂ ခုနှစ် မတ်လ (၁၅)ရက်က ကလေးမြို့အကျဉ်းထောင်ဆူပူမှုတွင် ဒုတိယခေါင်းဆောင်လို့စွပ်စွဲကာ တိုက်ပိတ်ခံရပြီး အပြင်းအထန်ရိုက်နှိက်မှုခံခဲ့ရပါတယ်။

နိုင်/ကျဉ်းဟောင်းတစ်ဦးက “သူက အဆုတ်ထိတော့ ချောင်းတအားဆိုးတယ်။ ဆေးရုံဆောင်မှာပဲနေတာများတယ်။ ဒါပေမယ့် လုံလုံလောက်လောက်ဆေးကုသပေးတာမရှိဘူး။ ဖျားရင်လည်း ပါရာစီတမောနဲ့ ဘာမီတွမ်လောက်ပဲ ပေးတယ်။ သေခါနီးမှပဲ ဆေးရုံကိုပို့တာ။ ကလေးမြို့ ထောင်ထဲမှာ ကျန်းမာရေးမကောင်းလို့သေဆုံးတာ ၅ ယောက်ရှိပြီ”လို့ပြောပါတယ်။

လက်ရှိ CNO/CNDF အဖွဲ့ဝင် ၁၄ ဦးဟာ စစ်ကောင်စီရဲ့ ဖမ်းဆီးထောင်ချခံရလျက်ရှိပြီး ထောင်ထဲမှာ ၂ ဦးကျဆုံးခဲ့ပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်