ချင်းပြည်နယ်မှာ ပထမအကြိမ် အလုပ်အကိုင်ပြပွဲမှာ အလုပ်အကိုင် တစ်ထောင်ကျော်ခေါ်ယူမယ်လို့ ဦးဆောင်ကျင်းပတဲ့ ချင်းလူ့အခွင့်အရေးအဖွဲ့(CHRO) ဟားခါးတာဝန်ရှိသူတစ်ဦးထံကသိရတယ်။
အလုပ်အကိုင်ပြပွဲမစတင်မှီ ကြိုတင်ပြင်ဆင်ထားတဲ့ မြင်ကွင်း(ဓာတ်ပုံ- အောင်မြင်မှု)
ဒီပြပွဲကို ယနေ့ နံနက်(၉)နာရီကနေ ညနေ(၅)နာရီထိ ဟားခါးမြို့ ကာဆင်ခန်းမမှာကျင်းပပြီး ချင်းပြည်နယ် အလုပ်သမားညွှန်ကြားရေးဦးစီးဌာနနဲ့ ချင်းလူ့အခွင့်အရေးအဖွဲ့(CHRO)တို့က ပူးပေါင်းကျင်းပတာဖြစ်ပါတယ်။
အလုပ်အကိုင်ပြပွဲမှာ ရန်ကုန်၊ မန္တလေး၊ ကလေးနဲ့ ဒေသခံ ကုမ္မဏီ(၂၀)ကျော်နဲ့ အစိုးရဌာနတွေက အလုပ်အကိုင်လာရောက်ပြသကြပါတယ်။
အခုလို အလုပ်အကိုင်ပြပွဲကို ဒီနှစ် ဒီဇင်ဘာလမှာ ဖလမ်းမြို့တွင်လည်းကျင်းပဖို့ စီစဉ်ထားပါတယ်။
