၈၊ ဒီဇင်ဘာ၊ ၂၀၂၃။
Zalen
စစ်ကိုင်းတိုင်း၊ တမူးမြို့နယ်၊ ကွန်းတောင်းအုပ်စု၊ အုတ်ဖိုကန်ဘောင်အကျဉ်းစခန်းရှိထောင်မူးနဲ့လုံထိန်းရဲတွေဟာ နိုဝင်ဘာလ ၁၀ ရက်ခန့်မှစတင်ပြီး အကျဉ်းသားအချို့နဲ့ လက်နက်ခဲယမ်းများ၊လိုအပ်တဲ့ စားသောက်ကုန်အချို့ကိုသယ်ယူရွေ့ပြောင်းပြီစခန်းကိုစွန့်ခွာထွက်ပြေးကြတယ်လို့သိရတယ်။
၎င်းတို့ဟာစပါးရိတ်သိမ်းချိန်ကာလဖြစ်ပေမယ့် အချို့တဝက်ကိုသာရိတ်သိမ်းနိုင်ကြပြီးအကြွင်းအကျန်များကိုတော့ ဒေသခံကျေးရွာများဖြစ်ကြတဲ့ နောင်ကတ်(သစ်)ကျေးရွာ၊ သံယောဇဉ်ကျေးရွာ၊ဝက်ရှု့ကျေးရွာနဲ့ ဆရာစံကျေးရွာတို့ကိုပေးအပ်ရိတ်သိမ်းစေတယ်လို့ ဒေသခံများပြောပြပါတယ်။
“သူတို့ဟာတိုက်ပွဲဖြစ်ပွာခြင်းမရှိပဲစခန်းကိုစွန့်ခွာသွားကြတာဖြစ်ပြီးကျတော်တို့ေဒသခံကျေးရွာများ အတွက်တော်တော်ကောင်းသွားတယ်။ သူတို့ရှိနေလို့တိုက်ပွဲဖြစ်လာရင်တောထဲတောင်ထဲ အိုအိမ်စွန့်ခွာထွက်ပြေးကြရမှာ” လို့ ဒေသခံတစ်ဦးက ပြောပါတယ်။
အကျဉ်းသားတွေကိုဘယ်မှာပို့ထားလဲတော့မသိဘူး။ အကျဉ်းဦးစီးလုံထိန်းရဲတပ်ဖွဲ့နဲ့ စစ်ကောင်စီတပ်တွေ ကတော့ နိုဝင်ဘာ၂၇ရက်နေ့တွင် ကွန်းတောင်းစစ်ကောင်စီတပ်စခန်းကိုအင်အားဖြည့်ထားတယ်လို့ဒေသခံများပြောပြပါတယ်။
အုတ်ဖိုကန်ဘောင်အကျဉ်းစခန်းဟာ တမူးအထက်ပိုင်းတမူး-အောင်ဇေယျလမ်း၏အရှေဘက် ၂ မိုင်ခွဲခန့်ရှိပြီး၊ တမူးမြို့မှ ၁၁မိုင် ကျော်ခန့်တွင်တည်ရှိပါတယ်။ ၎င်းစခန်းကို ယခင် ၂၀၂၁ နှစ်ကုန်ပိုင်းခန့်တွင်ဒေသကာကွယ်ရေးတပ်ဖွဲ့များမှဝင်ရောက်တိုက်ခိုက်ခဲ့ကာ ထောင်မှူးနဲ့ ၎င်းဇနီးအပါအဝင်စစ်ကောင်စီတပ်အချို့ပစ်ခတ်ရှင်းလင်းခံရတဲ့ အကျဉ်းစခန်းတစ်ခုဖြစ်ပါတယ်။
သတင်း-PR