၁၇၊ ဇွန်၊ ၂၀၂၄
Zalen
ချင်းပြည်နယ်၊ တီးတိန်မြို့က စစ်ကောင်စီတပ်သားတွေဟာ ဇွန်လ ၁၆ ရက်နေ့ကစပြီး ကျေးရွာတွေဘက်ကို စစ်ကြောင်းထိုးလာတယ်လို့ ဒေသခံတွေက ပြောပါတယ်။
အဲဒီ စစ်ကြောင်းဟာ တီးတိန်မြို့နယ် ခွေနွဲ (khui Nuai) ရွာကို ဇွန်လ ၁၆ရက်နေ့ညပိုင်းမှာ ရောက်ရှိနေတယ်လို့ ဆိုပါတယ်။
ဒါကြောင့် အဲဒီရွာက ဒေသခံတွေဟာ ဘေးလွတ်ရာ ထွက်ပြေးတိမ်းရှောင်နေရတယ်လို့ ဒေသခံတွေက ပြောပါတယ်။
” သူတို့ ထိုးစစ်ပြန်ဆင်မယ့်ပုံပဲ။ ကလေးမြို့ကနေ လည်း တက်လာသေးတယ်။ အခုလည်း တီးတိန်က ဆင်းလာတော့ ကျွန်တော်တို့ ဒေသခံတွေလည်း ကြောက်နေကြတာ။ ” လို့ ဒေသခံတစ်ဦးက ပြောပါတယ်။
ဇွန်လ ၁၅ရက်နေ့ မနက်ပိုင်းမှာ ကလေးမြို့ကနေ ချင်းတောင်ဘက်ကို စစ်ကောင်စီတပ်သား အင်အား တစ်ရာ၀န်းကျင်လောက် စစ်ကြောင်းထိုးလာခဲ့ပြီး မွှာပီးရွာအရောက်မှာ ပြန်လှည့်သွားခဲ့တယ်လို့ သိရပါတယ်။
ကလေး- သိုင်းငင်း- တီးတိန်လမ်းမတစ်လျှောက်ရှိ ကျေးရွာတွေက ဒေသခံတွေဟာ တိုက်ပွဲတွေ ဖြစ်လာမှာ စိုးရိမ်လို့ ဘေးလွတ်ရာ ကြိုတင်တိမ်းရှောင်နေကြရပါတယ်။
CDF/ CDM Siyin အဖွဲ့က ခရီးသွားပြည်သူတွေအနေနဲ့ အရေးပေါ်ကိစ္စမရှိပဲ ကလေး- သိုင်းငင်း- တီးတိန်လမ်းမတစ်လျှောက် လမ်းဘေးချမရပ်နားကြဖို့၊ လူစုလူဝေး မလုပ်ကြဖို့ ထုတ်ပြန်ထားပါတယ်။
Helen
