မြန်မာနိုင်ငံမှာ တစ်နှစ်အတွင်း မြေမြှုပ်မိုင်းကြောင့် လူ ၅ဝဝ ကျော် သေဆုံး

၁၅၊ နိုဝင်ဘာ၊ ၂၀၂၃
ပြီးခဲ့တဲ့ ၂ဝ၂၂ ခုနှစ်အတွင်း မြန်မာနိုင်ငံမှာ မြေမြှုပ်မိုင်းပေါက်ကွဲမှုကြောင့် လူ ၅ဝဝ ကျော်သေဆုံးခဲ့တယ်လို့ Landmine Monitor မြေုမြှုပ်မိုင်းအသုံးပြုမှု စောင့်ကြည့်ရေးအဖွဲ့က နိုဝင်ဘာ ၁၄ရက်နေ့မှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။

ဒါ့အပြင် ကမ္ဘာ့နိုင်ငံပေါင်း ၄၉ ခုနဲ့ တခြားနေရာဒေသ နှစ်ခုမှာ ပြီးခဲ့တဲ့နှစ်အတွင်း မြေမြုပ်မိုင်းနဲ့ စစ်ကျန်လက်နက် ပေါက်ကွဲမှုတွေကြောင့် သေဆုံးဒဏ်ရာရသူ စုစုပေါင်းကတော့ ၄၇၁ဝ ဦးရှိတယ်လို့ ထုတ်ပြန်ချက်အရ သိရပါတယ်။

၁၉၉၇ ခုနှစ်မှာ အတည်ပြဋ္ဌာန်းခဲ့တဲ့ မြေမြှုပ်မိုင်းအသုံးပြုမှု ပိတ်ပင်ရေး သဘောတူစာချုပ်ကို ကမ္ဘာ့နိုင်ငံ ၁၆၄ နိုင်ငံက ပါဝင်လက်မှတ်ထိုးထားပေမယ့် အဲဒီစာချုပ်ကို ဒီနေ့အထိ မြန်မာနိုင်ငံက လက်မှတ်ရေးခြင်း မရှိသေးပါဘူး။

လက်မှတ်မရေးထိုးတဲ့ မြန်မာနဲ့ ရုရှားနိုင်ငံတွေမှာ မြေမြှုပ်မိုင်းတွေကို ၂၀၂၂ခုနှစ်အတွင်း အများအပြား အသုံးပြုခဲ့တယ်လို့ Landmine Monitor အဖွဲ့ရဲ့ ထုတ်ပြန်ချက်က ဆိုပါတယ်။

လက်ရှိ ချင်းပြည်နယ် အပါအ၀င် မြန်မာနိုင်ငံတစ်၀န်းမှာ မြေမြှုပ်မိုင်းအန္တရာယ် ရင်ဆိုင်နေရပြီး မကြာခဏ မြေမြှုပ်မိုင်းနင်းမိကာအသက်သေဆုံး ထိခိုက်မှုတွေ ဖြစ်ပွားနေတာ ဖြစ်ပါတယ်။

သတင်း – ချစ်ခြင်းနွေ

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်