မွေးနေ့ပွဲပြုလုပ်နေချိန် တိုက်ခိုက်ခံရမှုကြောင့် ကနီမြို့မစခန်းမှူးနဲ့အတူ နယ်ထိန်းတို့ သေဆုံး

မောင်းသူမဲ့ လေယာဥ်နဲ့ တိုက်ခိုက်မှုကြောင့် ကနီမြို့မရဲစခန်းမှူးနဲ့အတူ နယ်ထိန်းခေါင်းဆောင်တို့ သေဆုံးသွားပြီး မြို့နယ်မှူးအပါအဝင် ၄ ယောက်ပြင်းထန်ဒဏ်ရာ ရရှိသွားတယ်လို့ ကျောက်လုံးကြီး – KLG PDF ဆီက သိရပါတယ်။

၎င်းနဲ့အတူ နယ်ထိန်းတို့ သေဆုံးခဲ့ပြီး မြို့နယ်မှူးနဲ့အတူ မိသားစုဝင် ၂ ယောက်နဲ့ ရဲမေ ၁ ယောက်တို့လည်း ပြင်းထန်ဒဏ်ရာ ရရှိသွားတယ်လို့ ကျောက်လုံးကြီး – KLG PDF ဆီက သိရပါတယ်။ စစ်ကိုင်းတိုင်း၊ ယင်းမာပင်ခရိုင်၊ ကနီမြို့နယ်၊ မြို့မရဲစခန်းမှာ သြဂုတ် ၃ ရက်၊ မနက် ၈ နာရီက စခန်းမှူး ထွန်းမြင့်ရဲ့ မွေးနေ့ပွဲကို မြို့နယ်မှူးအပါအဝင် လုပ်ဖော်ကိုင်ဖက်များနဲ့ မိသားစုဝင်များတို့က ပြုလုပ်ပေးနေချိန်မှာ ဒရုန်းနဲ့ ဗုံးသီး ၄ လုံး ကျဲချခဲ့တာလို့ ဆိုပါတယ်။

“အတွင်းသတင်းပေးမှုနဲ့ မွေးနေ့ပွဲလုပ်နေချိန်မှာ ဒရုန်းနဲ့တိုက်ခိုက်ခဲ့တယ်။ အဲ့မှာ စခန်းမှူးနဲ့ နယ်ထိန်း ထိမှန်ပြီးသေသွားတယ်။ ဒုတိယအခေါက် ထပ်တိုက်ခိုက်တာကျတော့ မြို့နယ်မှူးနဲ့ ရဲမေ ပြီးတော့ စခန်းမှူးရဲ့မိသားစုဝင် ၂ ယောက် ဒဏ်ရာရသွားတယ်” လို့ ကျောက်လုံးကြီး PDF ရဲဘော်တစ်ယောက်က ပြောပါတယ်။

“ဒရုန်း ၂ စီးအသုံးပြုပြီး ၂ ကြိမ် ဗုံး ၄ လုံးကျဲတိုက်ခိုက်ခဲ့တာပါ။ မွေးနေ့ပွဲတောင် ပြီးအောင်မလုပ်လိုက်ရဘူး။ ဆေးရုံထဲမှာ စခန်းမှူးရဲ့မိသားစုဝင်တွေ ငိုနေတယ်လို့ သတင်းရတယ်” လို့ ကျောက်လုံးကြီး – KLG PDF တာဝန်ခံက ပြောပါတယ်။

ကျောက်လုံးကြီး – KLG PDF ရဲဘော်တွေကိုယ်တိုင် ပြုလုပ်ဖန်တီးထားတဲ့ မောင်းသူမဲ့ဒရုန်းတွေနဲ့ တိုက်ခိုက်ခဲ့တာဖြစ်ပြီး တစ်စီးကို ကျပ်သိန်း ၂၀ ခန့် ရှိကြောင်း၊ အခက်ခဲဆုံးမှာ ယမ်းပစ္စည်းဖြစ်တယ်လို့ ၎င်းက ဆက်ပြောပါတယ်။

နောက်ဆုံးရသတင်းများ

၇၆ နှစ်မြောက် ချင်းအမျိုးသားနေ့ နှင့် မပြီးသေးသော ချင်းပြည်တည်ဆောက်ရေး

R.Lakher ဖေဖော်ဝါရီလ ၂၀၊ ၂၀၂၄ သည် ချင်းပြည်သူများ အမြတ်တနိုးတန်ဖိုးထားသော နေ့ထူးနေ့မြတ်ကြီး ဖြစ် ပါသည်။ လွန်ခဲ့သော နှစ်ပေါင်း ၇၆  (၁၉၄၈) တွင် ဦးဝမ္မသူးမောင် ဦးဆောင်ပြီး ချင်းညီလာခံ တစ်ရပ်ကို ချင်းပြည်နယ်၊ ...

ဆက်ဖတ်ရန်