ရုရှား၊ တရုတ်နဲ့ အိန္ဒိယကို မြန်မာက ဗီဇာကင်းလွတ်ခွင့်ပေး

၁၃၊ ဒီဇင်ဘာ၊ ၂၀၂၃
မြန်မာနိုင်ငံကို လည်ပတ်မယ့် ရုရှားနိုင်ငံ၊ တရုတ်နိုင်ငံနဲ့ အိန္ဒိယနိုင်ငံက ခရီးသွားတွေအတွက် ၂၀၂၄ ဇူလိုင်လအထိ ဗီဇာကင်းလွတ်ခွင့် ပေးထားတယ်လို့ စစ်ကောင်စီရဲ့ ဟိုတယ်နှင့်ခရီးသွားလာရေးဝန်ကြီးဌာနက ဒီဇင်ဘာ ၈ ရက်မှာ ကြေညာထားပါတယ်။

သာမန်နိုင်ငံကူးလက်မှတ် ကိုင်ဆောင်ထားတဲ့ ရုရှားနိုင်ငံသားတွေဟာ ဗီဇာကင်းလွတ်ခွင့်နဲ့ တစ်လ နေထိုင်ခွင့်ရမှာဖြစ်ပြီး အထူးကမ္ဘာ့လှည့်ဗီဇာနဲ့ ရုရှားနိုင်ငံသားတွေကတော့ တစ်လကနေ သုံးလအထိ ဗီဇာကင်းလွတ်ခွင့်နဲ့ မြန်မာနိုင်ငံမှာ နေထိုင်နိုင်တယ်လို့ ဟိုတယ်နှင့်ခရီးသွားလာရေးဝန်ကြီးဌာနက သတ်မှတ်လိုက်တာပါ။

တရုတ်နိုင်ငံနဲ့ အိန္ဒိယနိုင်ငံတွေက ခရီးသွားတွေကိုလည်း ဆိုက်ရောက်ဗီဇာပေးပြီး တစ်လနေထိုင်ခွင့်ပြုတယ်လို့ ဆိုပါတယ်။

ဗီယက်နမ်၊ စင်္ကာပူနိုင်ငံတွေက သာမန်နဲ့ သံတမန် နိုင်ငံကူးလက်မှတ် ကိုင်ဆောင်သူတွေကို နေထိုင်ခွင့် တစ်လ၊ ကမ္ဘောဒီးယား၊ ဖိလစ်ပိုင်၊ ဘရူနိုင်း၊ လာအို၊ အင်ဒိုနီးရှားနဲ့ ထိုင်းနိုင်ငံက သာမန်နဲ့ သံတမန် နိုင်ငံကူးလက်မှတ် ရှိသူတွေကိုလည်း နေထိုင်ခွင့် နှစ်ပတ် ရှိတယ်လို့ ဟိုတယ်နှင့်ခရီးသွားလာရေးဝန်ကြီးဌာနက ခွင့်ပြုထားပါတယ်။

HeiSok Khai

နောက်ဆုံးရသတင်းများ

ကလေးမြို့နယ်မှာ တစ်ရက်အတွင်း အရပ်သား လေးဦး ပစ်သတ်ခံရ၊ တစ်ပတ်အတွင်း သေဆုံးသူ ၁၄ ဦးအထိ ရှိလာ

၂၈၊ ဖေဖော်ဝါရီ၊ ၂၀၂၄ စစ်ကိုင်းတိုင်း၊ ကလေးမြို့နယ်မှာ ဖေဖော်ဝါရီ ၂၇ ရက်နေ့ တစ်ရက်တည်းမှာပဲ စစ်ကောင်စီတပ်က ပစ်ခတ်သတ် ဖြတ်လို့ အရပ်သား လေးဦး သေဆုံးခဲ့ပြီး ဖေဖော်ဝါရီ ၂၁ရက်နေ့ကနေ ၂၇ ရက်နေ့အထိ တစ်ပတ် ...

ဆက်ဖတ်ရန်