သုံးနှစ်ကျော်အတွင်း စစ်ကောင်စီတပ်ကြောင့် အမျိုးသမီး ကိုးရာကျော် သေဆုံး

၂၊ မေ၊ ၂၀၂၄

Zalen

စစ်တပ်အာဏာသိမ်း သုံးနှစ်ကျော်အတွင်း စစ်ကောင်စီတပ်ကြောင့် ပြည်သူ ၄,၉၀၀ ကျော်ကို သေဆုံးခဲ့ပြီး အဲဒီထဲက အမျိုးသမီး ၉၂၃ ဦး သေဆုံးခဲ့တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က မေ ၁ရက်နေ့မှာ ထုတ်ပြန်ပါတယ်။

စစ်အာဏာသိမ်းချိန် ၂၀၂၁ ကနေ ၂၀၂၄၊ ဧပြီ ၃၀ရက်နေ့အထိ AAPPရဲ့ ကောက်ယူထားတဲ့မှတ်တမ်းတွေကိုထုတ်ပြန်ခဲ့တာ ဖြစ်ပါတယ်။

သေဆုံးသူတွေထဲမှာတော့ ကလေးသူငယ်ဦးရေ အယောက် ၆၃၀ နဲ့ ၁၂ ဒသမ ၇ ရာခိုင်နှုန်း၊ ဖမ်းဆီးပြီးနောက် သတ်ဖြတ်ခံရသူ ၁,၇၃၆ ယောက်နဲ့ ၃၅ ရာခိုင်နှုန်းလောက်ထိ မြင့်တက်နေခဲ့တယ်လို့ ဆိုပါတယ်။

စစ်ကိုင်းတိုင်းက အယောက် ၂,၀၀၀ ကျော် ရာခိုင်နှုန်း ၄၀ ကျော် ပါဝင်နေကာ အများဆုံးဖြစ်ပြီး မန္တလေး၊ မကွေး၊ ရန်ကုန်နဲ့ ပဲခူးတိုင်းတွေက အစဉ်လိုက်အများဆုံး သေဆုံးမှုတွေ ရှိတယ်လို့ ဖော်ပြထားပါတယ်။

ဒါ့အပြင် ပြည်သူ ၂၆,၅၈၈ ယောက် ဖမ်းဆီးခံခဲ့ရပြီး အဲဒီထဲက ၂၀,၃၇၅ ယောက်ကတော့ လက်ရှိအချိန်ထိ ဖမ်းဆီးထိန်းသိမ်းခံနေရဆဲ ဖြစ်တယ်လို့ ဆိုပါတယ်။

အဲဒီ အဖမ်းဆီးခံရသူတွေထဲမှာ အမျိုးသမီးဦးရေ နှစ်ဆယ် ရာခိုင်နှုန်းကျော် ပါဝင်နေပြီး ကလေးသူငယ်ဦးရေကတော့ သုံး ရာခိုင်နှုန်းနီးပါး ပါဝင်နေတယ်လို့ သိရပါတယ်။

Mary

နောက်ဆုံးရသတင်းများ

ငလျင်ဒဏ်ကြောင့် နောက်ဆက်တွဲ အကျိုးဆက် ဘာတွေ ဖြစ်နိုင်လဲ

ဝသာန် ၂၀၂၅ ခုနှစ် မတ်လ(၂၈)ရက်နေ့က မြန်မာနိုင်ငံမှာ (၇.၇)စကေးရှိတဲ့ အပြင်းထန်ဆုံး ငလျင်ဘေး‌ဒါဏ်ကို ခံစားခဲ့ရတယ်။အဆိုပါ ငလျင်ဘေးဒါဏ်ကနေ ကယ်ဆယ်ရေးလုပ်ငန်းတွေ လုပ်ဆောင်နေတာ (၁၀)ရက်ရှိသွားပေမယ့် ပြန်လည်ထူထောင်ရေးအတွက် အကူအညီလိုအပ်နေတုန်းပါပဲ။ မြန်မာနိုင်ငံကို နိုင်ငံတကာက အကူအညီအနေနဲ့ အမေရိကန်ဒေါ်လာ(၁၃၆.၈၈)သန်း ရရှိထားတယ် ...

ဆက်ဖတ်ရန်