အင်ဖာလ်းကနေ မန္တလေးမြို့ကို နိုင်ငံတကာလေကြောင်းလိုင်းပြေးဆွဲရန် စီစဉ်နေ

အိန္ဒိယနိုင်ငံ ၊ မဏီပူရ်ပြည်နယ်ဝန်ကြီးချုပ် အင်ဘိုင်ရင်ဆင့်က နိုင်ဝင်ဘာလ ၂၄ ရက်နေ့တွင် ပြောကြားချက်အရ ဗဟိုအစိုးရ၏ UDAAN စီမံကိန်းအောက်တွင် အင်ဖာလ်းလေဆိပ်ကနေ မန္တလေး၊ မန္တလေးကနေ ဘန်ကောက်မြို့ကို နိုင်ငံတကာ လေးကြောင်း ခရီးစဉ်ပြေးဆွဲရန် ကြိုးပမ်းနေကြောင်း ဆိုပါတယ်။

မဏီပူရ်ပြည်နယ်ဟာ အာဆီယံဒေသနှင့် အလွန်အတွက် တခါးပေါက်လိုဖြစ်နေသောကြောင့် ခုလို ပိုမိုကောင်းမွန်သော လမ်းပန်းဆက်သွယ်ရေးကြောင့် ခရီးသွားလုပ်ငန်း၊ ကုန်စည်ပို့ဆောင်ရေး၊ ဝန်ဆောင်မှုလုပ်ငန်း၊ ကျန်းမာရေး၊ ပညာရေး၊ နည်းပညာ နှင့် နည်းပညာဝန်ဆောင်မှု အစရှိသော လုပ်ငန်းများအတွက်လည်း အပြုသဘောဆောင်သော အကျိုးသက်ရောက်မှုရှိမည်ဖြစ်ပြီး အားလုံးပါဝင်ပြီး ရေရှည်ခိုင်မာသော တိုးတက်မှုကို ဖြစ်ပေါ်စေမည်ဟု ပြည်နယ်ဝန်ကြီးချုပ်က ပြောပါတယ်။

မိုရေးမြို့အထိ ဆက်သွယ်ထားသော အဝေးပြေးလမ်းမကြီး ပြန်လည်ပြင်ဆင်ခြင်းကလည်း ပြီးဆုံးခါနီးနေပြီဖြစ်ကြောင်း သုံးနိုင်ငံဆက်သွယ်ထားသော အဝေးပြေးလမ်းစီမံကိန်းများဖြစ်တဲ့ Kaladan Multi-Modal Transit Transport Project နှင့် SASEC Road Connectivity Projects တို့ကို ပြီးဆုံးသွားပါက မဏီပူရ်နှင့် အိန္ဒိယအတွက်လည်း ပြောင်းလဲမှုကို ဖြစ်ပေါ်စေသော လမ်းများဖြစ်လာမည်ဖြစ်ကြောင်း ပြောခဲ့ပါတယ်။

မြန်မာနိုင်ငံကို ဖြတ်ပြီး လေကြောင်းလိုင်းပြေးဆွဲမည်ဟု ဆိုသော်လည်း စီမံကိန်း၏ အသေးစိတ်အချက်အလက်ကိုတော့ ပြည်နယ်ဝန်ကြီးချုပ်က ရှင်းပြထားခြင်း မရှိပါ။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်