အင်အားဖြည့်တင်းဖို့ မင်းတပ်ဘက်ကိုဦးတည်လာတဲ့ စစ်ယာဉ်တန်းတားဆီးဖို့ အုန်းတောတံတားကို ၂ ကြိမ်ဖောက်ခွဲ

HAK/ ၆၊အောက်တိုဘာ၊၂၀၂၃

Zalen

မကွေးတိုင်း၊ပေါက်မြို့နယ်မှ မင်းတပ်ဘက်ကိုရိက္ခာပို့ရန် ဦးတည်လာတဲ့ ပခုက္ကူအခြေစိုက် တပ်မ ၁၀၁ စစ်ယာဉ်တန်းအစီးရေ ၇၀ကျော်ကို တားဆီးဖို့ အုန်းတော တံတားကို ၂ ကြိမ် ဖောက်ခွဲခဲ့တယ်လို့သိရပါတယ်။

ချောင်းကူးတံတားဖြစ်တဲ့ အုန်းတော တံတားကို စက်တင်ဘာလ ၃၀နဲ့ အောက်တိုဘာ ၃ရက်မှာ ၂ကြိမ်တိုင်တော်လှန်ရေးတပ်ဖွဲ့များက ဖောက်ခွဲခဲ့တာဖြစ်တယ်လို့ သိရပါတယ်။

စက်တင်ဘာ ၂၈ရက်နေ့ကတည်းက ပခုက္ကူကနေ စတင်ထွက်ခွါလာတဲ့ အင်အား ၂၀၀ကျော်ပါတဲ့ စစ်ယာဉ်တန်းဟာ လမ်းပိတ်ဆို့တားဆီးခံရမှုကြောင့် ပေါက်မြို့နယ်အတွင်းမှာရှိတဲ့ ပျူစောထီးတွေအားကောင်းတဲ့ ယာကြီးပြင်ရွာမှာပဲ လက်ရှိတပ်ချထားပါတယ်။

နယ်မြေရှင်းလင်းရေးများလုပ်ဆောင်နေပြီး ပြည်သူ့ကာကွယ်ရေးတပ်ဖွဲ့တွေနဲ့လည်း မကြာခဏ ထိတွေ့ပစ်ခတ်မှုရှိနေတယ်လို့ဒေသခံကာကွယ်ရေးတပ်ဖွဲ့များထံက သိရပါတယ်။

ယမန်နှစ် ၂၀၂၂မေလအတွင်းမှာလည်းမင်းတပ်ကို ဦးတည်လာတဲ့ စစ်ကောင်စီယာဉ်တန်းကို တားဆီးဖို့ အုန်းတောတံတားကို ဖောက်ခွဲခဲ့ဖူးပါတယ်။

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်