ကန်ပက်လက်မြို့နယ် ပြည်သူ့လွှတ်တော်လစ်လပ်နေရာကို ပြည်ခိုင်ဖြိုးပါတီကိုယ်စား ဦးမနားနိုင်း(၆၂ နှစ်)က ဝင်ရောက်ယှဉ်ပြိုင်မယလို့ ဇူလိုင်လ(၁၁)ရက်နေ့က ပြည်ခိုင်ဖြိုးပါတီကထုတ်ပြန်ထားပါတယ်။
ဦးမနားနိုင်းဟာ ၂၀၁၀-၁၅ ခုနှစ် ကန်ပက်လက်မြို့နယ် အမျိုးသားလွှတ်တော်အမတ်ဟောင်း၊ ၂၀၁၅ ခုနှစ် ထပ်မံ၍ကန်ပက်လက်မြို့နယ် အမျိုးသားလွှတ်တော်ကိုယ်စားလှယ်လောင်းအဖြစ်ဝင်ရောက်အရွေးခံသော်လည်း ရှုံးနိမ့်သွားပါတယ်။
သူဟာ B.Ed ဘွဲ့ရရှိထားပြီး အထက်တန်းပြဆရာနဲ့ ၂၀၀၉ ခုနှစ်မှာ ပင်ဆင်ယူပါတယ်။ လက်ရှိမြို့နယ် ပြည်ခိုင်ဖြိုးပါတီ ဥက္ကဌတာဝန်ယူထားသူပါ။
ဦးမနားနိုင်းက “စည်းရုံးရေးကတော့ ဒေသဖွံ့ဖြိုးရေးလုပ်ငန်းတွေပါ။ ပြည်ထောင်စုနဲ့ ပြည်နယ်အစိုးရကြား ချိတ်ဆက်ပြီးလုပ်နိုင်တဲ့ အတိုင်းအတာတွင်းကြိုးစားပြီးလုပ်ဆောင်နိုင်ဖို့ရည်ရွယ်ထားပါတယ်”လို့ပြောပါတယ်။
အရင်က ပြည်ခိုင်ဖြိုးပါတီ ဗဟိုဘက်ကပြောကြားချက်ထဲမှာ ပြည်နယ်တွေမှာတိုင်းရင်းသားပါတီတွေ နေရာဖယ်ပေးမယ်လို့ပြောကြားချက်နဲ့ပတ်က်ပြီး ပြည်ခိုင်ဖြိုးပါတီဗဟိုကေ်ာမတီဝင်တစ်ဦးက “တိုင်းရင်းသားဒေသမှာ ပြည်နယ်လွှတ်တော်နေရာ ဖယ်ပေးတာပါ”လို့ပြောပါတယ်။
ချင်းပြည်နယ်မှာ ကန်ပက်လက်မြို့နယ် ပြည်သူ့လွှတ်တော်လစ်လပ်နေရာကို ပြည်ခိုင်ဖြိုး၊ NLD, CNDP, CPP တို့က ဝင်ရောက်ယှပြိုင်မှာဖြစ်ပြီး မတူပီမြို့နယ် ပြည်နယ်လွှတ်တော် လစ်လပ်နေရာကို NLD နဲ့ CLD တို့ယှဉ်ပြိုင်မယ်။
