ဖေဖော်ဝါရီ ၃ ၊ ၂၀၂၆။
Zalen
၂၀၂၆ ခုနှစ်၊ ဖေဖော်ဝါရီလ ၂၀ ရက်နေ့မှာ ကျရောက်မည့် (၇၈) ကြိမ်မြောက်ချင်းအမျိုးသားနေ့ကို မီဇိုရမ်ပြည်နယ်၊ အိုင်ဇောလ်မြို့မှာ ကျင်းပသွားမယ်လို့ သိရပါတယ်။
ချင်းလူမျိုးများအတွက် နေ့ထူးနေ့မြတ်ဖြစ်တဲ့ အဆိုပါချင်းအမျိုးသားနေ့ကို အိုင်ဇောလ်မြို့၊ ဒူရ်တလန်း ( Durtlang )ရပ်ကွက် ရှိ၊ KV Futsal Ground မှာ ကျင်းပမှာဖြစ်ပြီး ခမ်းနားကြီးကျယ်စွာကျင်းပသွားမယ်လို့ သိရပါတယ်။
အခမ်းအနားကို နှစ်ပိုင်းကျင်းပသွားမှာဖြစ်ပြီး ပထမပိုင်းအဖြစ် တိုင်းပြည်နဲ့လူမျိုးအတွက် အသက်ပေးလှူသွားကြတဲ့ ချင်းသူရဲကောင်းများကို အလေးပြုခြင်း၊ ချင်းခေါင်းဆောင်များမှ အမှာစကားပြောကြားခြင်း၊ အဆိုတော်များမှ သီဆိုဖျော်ဖြေခြင်း၊ ချင်းရိုးရာအကပေါင်းစုံနဲ့ ဖျော်ဖြေခြင်းများဖြင့် ကျင်းပသွားမယ်လို့ သိရပါတယ်။
ဒုတိယအပိုင်းအနေဖြင့် ချင်းနပန်းလုံးခြင်း၊ ဖက်ရှင်လျှောက်ခြင်း၊ အမျိုးသမီးကြိုးစွဲပြိုင်ပွဲ ၊ ကလေးငယ်များ ရေကူးပြိုင်ပွဲ နဲ့ သီဆိုဖျော်ဖြေခြင်းအခမ်းအနားများဖြင့် ကျင်းပသွားမယ်လို့ သိရပါတယ်။
ချင်းနပန်းလုံးပွဲမှာ ပထမဆု ရရှိသူကိုရူပီး ၂၀,၀၀၀ ချီးမြှင့်သွားမှာဖြစ်ပြီး ဒုတိယဆုရရှိသူကို ရူပီး ၁၅,၀၀၀ ချီးမြှင့် သွားမှာဖြစ်ကာ တဦးချင်း အနိုင်ဆုကြေးလည်း ပေးအပ်သွားမယ်လို့လည်း သိရပါတယ်။
သတင်း – Mickey
#ချင်းအမျိုးသားနေ့#မီဇိုရမ်#Zalen
