အောက်တိုဘာ ၂၃၊ ၂၀၂၅
Zalen
စစ်ကိုင်းတိုင်း ချင်းတိုင်းရင်းသားရေးရာဝန်ကြီးတစ်နေရာအတွက် ပါတီ ၃ ခုမှ ကိုယ်စားလှယ်လောင်း ၃ ဦး ပါဝင်ယှဥ်ပြိုင်သွားကြမယ်လို့ ရွေးကောက်ပွဲကော်မရှင် ထုတ်ပြန်ထားပါတယ်။
လာမယ့် ဒီဇင်ဘာလ ၂၈ ရက်နေ့မှာ စစ်ကောင်စီ ဦးဆောင် ကျင်းပမယ့် ပါတီစုံ အထွေထွေ ရွေးကောက်ပွဲမှာ အသီးသီး ပါဝင်ယှဥ်ပြိုင်ကြမှာ ဖြစ်ပါတယ်။
ပါဝင်ယှဥ်ပြိုင်မယ့် ကိုယ်စားလှယ်တွေဟာ USDP ပါတီ မှ ဦးငွန်ဘွလ်ထန်၊ ပြည်သူ့ရှေ့ဆောင်ပါတီ ( PPP)မှ ဦးဆသင်ထောင်း၊ တိုင်းရင်းသားစည်းလုံးညီညွှတ်ရေးပါတီမှ ဒေါ်သျှန်းနှဲမ်ဆွေး တို့ဖြစ်ပါတယ်။
တိုင်းနဲ့ပြည်နယ်မှာ လူမျိုး ၅၀,၀၀၀ နဲ့အထက်ရှိပါက တိုင်းရင်းသားရေးရာဝန်ကြီး တစ်နေရာ ယှဥ်ပြိုင်ခွင့်ရတာဖြစ်ပါတယ်။
စစ်ကိုင်းတိုင်းမှာ တမူး၊ ကလေးအပါအဝင် မြို့နယ်နေရာနှံ့မှာ ချင်းလူမျိုး ၄၀၀,၀၀၀ သိန်းနဲ့အထက်ရှိတာကြောင့် တိုင်းရင်းသားရေးရာဝန်ကြီး တစ်နေရာ ယှဥ်ပြိုင်ခွင့်ရတာပါ။
သတင်း-ခူမီး
