သက်ငယ် မိန်းကလေးနှစ်ဦးကိုမုဒိမ်းမှုကျူးလွန်သည်ဟုစွပ်စွဲထားသော ဧဝံဂေလိဆရညတော် Lal Biak Lar@ Lar Boih ကို ပထမရမန်ရက်စေ့၍ ဧပြီလ(၂၇)ရက်နေ့တွင် ဒုတိယအကြိမ် ကလေးမြို့ ခရိုင်တရားရုံးတွင် ရုံးထုတ်မည်ဟုသတင်းရရှိသည်။
“မနက်ဖြန်တော့ ယောကျ်ားလေးဘက်ကိုပဲစစ်မယ်။ ဒီနေ့ မိန်းကလေးနှစ်ယောက်ကို ဆေးရုံမှာ ဓာတ်မှန်ရိုက်ဖို့ ဆရာဝန်ခေါ်ထားတယ်” ဟုမုဒိမ်းကျင့်ခံရသည်ဟုအမှုဖွင့်သူဘက်ကပါဝင် ဆောင်ရွက်သူ ဦးပါလိန်းကပြောသည်။ကလေးမြို့နယ် လက်ပံချောင်းကျေးရွာတွင်နေထိုင်သော ဧဝံဂေလိဆရာတော် Lal Biak Lar@Lar Boih သည် ၎င်းနေအိမ်တွင် ဖလမ်းမြို့နယ်မှ လာရောက်နေထိုင်သော မိုင်…..(၁၅)နှစ်ကို ၂၀၁၅ ခုနှစ် ဇွန်လပိုင်းတွင်လည်းကောင်း၊မိုင်……(၁၄)နှစ်ကို ၂၀၁၈ ခုနှစ် ဧပြီလတွင်လည်းကောင်း အဓမ္မပြုကျင့်ရန်ကြိုးစားအားထုတ်မှု၊ နာကျင်စေမှုတို့ကြောင့် ကလေးမြို့နယ် ရဲစခန်းမှ ပုဒ်မ (၃၇၆/၅၁၁)၊ (၃၂၃)၊ (၅၀၆) တို့ဖြင့် ဧပြီလ(၁၃)ရက်တွင် အမှုဖွင့်ဖမ်းဆီးခဲ့သည်။
