တမူးနယ်မှာ စစ်ကောင်စီ စစ်ကြောင်းထိုးလို့ အရပ်သား ၂ဦးသတ်ဖြတ်ခံရ

နိုဝင်ဘာ ၁၊ ၂၀၂၅။

Zalen

စစ်ကိုင်းတိုင်း၊ တမူးမြို့နယ်မှာ စစ်ကောင်တပ်က စစ်ကြောင်းထိုးလာလို့ အရပ်သား ၂ဦးသေဆုံးသွားတယ်လို့ ဒေသခံများဆီက သိရပါတယ်။

ပြီးခဲ့တဲ့ အောက်တိုဘာ ၂၇ရက်နေ့က တော်လှန်ရေးတပ်ဖွဲ့များထိန်းချူပ်ထားတဲ့ နမွန်းတား(Lallim) ကျေးရွာကို စစ်ကောင်စီ ပူပေါင်းတပ်က စစ်ကြောင်းထိုးတိုက်ခိုက်ခဲ့ရာ ပိတ်မိနေတဲ့ အရပ်သား ၂ဦးကို အကြောင်းမဲ့သတ်ဖြတ်ခဲ့တာဖြစ်ပါတယ်။

” အရပ်သား ၂ယောက် အသတ်ခံရတာဟုတ်ပါတယ်။ သတ်သွားတာ ရက်ရက်စက်စက်ပါပဲ။ နမွန်းတားမှာအသတ်ခံရတာပါ။ အရင်က လေယာဉ်ဗုံးကြဲလို့ ပျက်ဆီးသွားတဲ့ ဘုရားကျောင်းမှာသတ်သွားတာ” လို့ ဒေသခံတစ်ဦးက Zalen ကိုပြောပါတယ်။

အခုလို စစ်ကောင်စီစစ်ကြောင်းက သတ်ဖြတ်သွားတဲ့ အရပ်သားနှစ်ဦးဟာ တမူးမြို့နယ်၊ ရန်ငြိမ်းအောင်ကျေးရွာသားတစ်ဦးနဲ့ ဘုက္ကန်ကျေးရွာသားဖြစ်တယ်လို့ လည်း သိရပါတယ်။

အောက်တိုဘာလ ၂၇ ရက်နေ့က ပန်းသာအခြေစိုက် စစ်ကောင်စီပူးပေါင်းတပ်ဖွဲ့က ကလေး-တမူးလမ်းပေါ်မှာရှိတဲ့ နမွန်းတားကျေးရွာကို စစ်ကြောင်း ၃ ကြောင်းနဲ့ ထိုးစစ်ဆင်တိုက်ခိုက်ခဲ့ပြီး အောက်တိုဘာလ ၃၀ ရက်နေ့မှာ စစ်ကောင်စီပူးပေါင်းတပ်ဖွဲ့များ ပြန်လည်ဆုတ်ခွာသွားပြီ နှစ်ဘက်အကျအဆုံးရှိနိုင်တယ် လို့လည်းသိရပါတယ်။

သတင်း – အမေ့သား